Page 299 - Sholom_Aleyhem_Макет 1

Südçü Tevye
qәdәhi başıma çәkirәm. – Allah süfrәnizә bәrәkәt, evinizә
xoşbәxtlik bәxş etsin! Yәhudilәr soy-köklәrini unutmasınlar.
Dәrd-bәladan qurtulmaqda Allah onlara yar olsun!
Başına araqçın qoymuş ev sahibi soruşur:
– Adınız nәdir? Harada yaşayırsınız? Nә ilә mәşğulsunuz?
Evlisiniz? Neçә övladınız var?
– Uşaqları xәbәr alırsınız? – cavab verirәm. – Gileylәnmәk
günahdır! Arvadım Qolda deyir ki, hәr uşaq milyona dәyәr,
demәli, Yequpetsdәki әn dövlәtli adam mәnәm. Amma varlı ilә
yoxsul, çolaq ilә sağlam adam eyni deyil. Müqәddәs kitabda
yazılıb: “Bayramı adi günlәrdәn fәrqlәndirin”. Pul varsa, hәyat
gözәldir! Pul da Brodskidәdir, milyonçu fabrikantda, mәnim isә
var-dövlәtim qızlarımdır. Bilirsiniz, qız yükü – duz yükü deyiblәr,
qız böyütmәk zarafat deyil! Amma çarә nәdir? Hamımız Allahın
әmrinә tabeyik, yәni O, yuxarıda oturur, biz isә aşağıda әzab
çәkirik. Әllәşirik, odun daşıyırıq, nә etmәk olar? Necә deyәrlәr,
daşdan yumşaq nә olsa... Әn böyük bәla yemәkdir. Rәhmәtlik
nәnәm deyәrdi: “Qarın ac olmasaydı, adamın başı qızıldan
olardı...” Artıq-әskik danışdımsa, bağışlayın... Boşqarına araq
vuranda adamın gözünә әyri pillәkәn dә düz görünür...
Ev sahibi göstәriş verir:
– Kişiyә yemәk gәtirin!
Stolun üstü dәrhal dolur. Daha nәlәr yoxdur? Balıq, әt,
qızartma toyuq, ciyәr...
– Nә yeyәcәksiniz? – soruşurlar. – Buyurun, әllәrinizi yuyun!
– Nә yemәk istәdiyini xәstәdәn soruşarlar, – deyirәm. –
Sağlam adama belә sualı vermәyә ehtiyac yoxdur. Sәxavәtinizә
görә minnәtdaram! Düzdür, bir qәdәh araq yaxşı idi, amma evdә
arvad-uşağın, Allah canlarını sağ elәsin, gözü yoldadır… Belә
bir mәqamda masa arxasında oturub kef elәmәk... Әgәr lütf
elәsәniz...
Nәyә işarә etdiyimi başa düşüb arabaya bulka, balıq, qızartma
toyuq, çay, qәnd, bir qab әrinmiş yağ, mürәbbә qoydular.
– Bunları, – deyirlәr, – arvad-uşağa pay apararsınız. İndi isә
buyurun deyin, zәhmәtinizә görә sizә nә qәdәr vermәliyik?

299