Page 298 - Sholom_Aleyhem_Макет 1

Şolom Aleyxem

ola bilәr... Canavar... Allah göstәrmәsin, quldurlar... Başınıza nә
iş gәlib?
– Meşәdә azdıq, Allah bilir, yәqin, on verstdәn çox yol
getdik... Birdәn qarşımıza bu adam çıxdı. Arabası vardı... Onu
birtәhәr dilә tutub yola gәtirdik...
– İlahi, özün kömәk ol! Meşәdә tәk-tәnha, özü dә bәlәdçisiz!
Şükür, salamat qurtarmısınız...
Nә isә, lampaları yandırdılar, süfrә açdılar, samovara od
saldılar, masaya çay, qәnd, mürәbbә, qaymaq, әtirli tәzә bulkalar,
yağlı sıyıq, qızardılmış әt, qaz әti, әla şәrablar, meyvә arağı
düzdülәr... Kәnarda dayanıb Yequpets varlılarının necә yeyib-
içdiklәrinә baxıram, Allah bәd nәzәrdәn qorusun! Düşünürәm:
“Varlı olmaq üçün hәr şeydәn keçәrdim!” İnanın, mәnә elә gәlirdi
ki, masadan yerә düşәn yemәk qırıntıları ilә uşaqlarım bir hәftә
dolanardı, düz şәnbәyә qәdәr! Cәnab rәhmli Allah! Sәn böyük vә
әdalәtlisәn! Amma necә olur ki, birinә hәr şey verirsәn, o birisinә
heç nә, hә? Onlara yağlı bulka düşür, bizim payımıza isә zillәt!
Düşünürәm: “Tevye, vallah, axmaqsan! Gör ağlından nә keçir?
Sәn kimsәn ki, Allaha dünyanı idarә etmәyi öyrәdirsәn?”
Әgәr Allahın mәslәhәti belәdirsә, demәli, hәr şey onun
istәdiyi kimi olmalıdır. Başqa yol yoxdur! Bu mәsәlәnin bir
anlamı var: “Biz qul olmuşuq! Allah bizi yәhudi yaradıb. Yәhudi
isә qәlbindә inam vә ümidlә yaşamalı, Allah deyib arzu etmәlidir
ki, hәr şey yaxşı olsun...”
– Arabaçı hanı? – kimsә soruşur. – Qәribә adamdır, yәqin,
gedib...
– Allah elәmәsin! – cavab verirәm. – Vidalaşmamış gedәrәm?
Salamәleyküm, axşamınız xeyir! Allah bu masa arxasında
әylәşәnlәrә cansağlığı, uzun ömür versin! Hamınıza nuş olsun!
– Yaxın gәlin, – deyirlәr. – Niyә kәnarda durmusunuz? Kim-
siniz? Bәlkә, bir qәdәh araq içәsiniz?
– Bir qәdәh? Mәmnuniyyәtlә! – deyirәm. – Araqdan kim
imtina edәr? Müqәddәs kitabda deyildiyi kimi: “Kiminsә sağlığına,
kiminsә dәrd-sәrdәn qurtulması naminә!” Bunu belә izah etmәk
lazımdır: şәrabın öz yeri, Allahın öz yeri!.. Lexaym! – deyib

298