Page 300 - Sholom_Aleyhem_Макет 1

Şolom Aleyxem

– Üzr istәyirәm, – cavab verirәm, – buyurmaq nә demәk?
Ürәyiniz necә istәyir, elә dә olsun... Razılığa gәlәrik... Necә
deyәrlәr, bir onluq az, bir onluq çox... Dilәnçi bununla kasıb
olmaz...
–Yox! – razılaşmırlar. – Reb Tevye, biz mәblәği sizin dilinizdәn
eşitmәk istәyirik! Qorxmayın, buna görә, Allah elәmәmiş, başınızı
kәsmәzlәr!
Düşünürәm: “İndi necә qiymәt oxuyum? Yaxşı düşmür:
deyim, bir rubl, azdır! Bәlkә, iki rubl almaq olar? İki rubl demәyә
dә qorxuram, fikirlәşәrlәr ki, başı xarab olub, nәdәn ötrü iki rubl
vermәliyik?”
– Üç!.. – ağzımdan qaçırıram vә hamı qәh-qәhә çәkir,
xәcalәtdәn, az qalır, yerә girim.
– Keçin günahımdan! – deyirәm. – Bәlkә, dilim topuq vurdu.
Atın dörd ayağı olsa da, sәndәlәyir, adamın isә bir dili var, o da...
Gülmәkdәn uğunub gedirlәr, gözlәrindәn yaş axır.
Ev sahibi:
– Bәsdir güldünüz, – deyir vә döş cibindәn böyük pul kisәsi
çıxarır, sizcә, oradan nә qәdәr pul götürsә, yaxşıdır? Tapın
görüm? Onluq! Qırmızı, alışıb-yanan onluq! – Bu, mәndәn! –
әtrafdakılara müraciәt edir, – sizin dә ürәyinizdәn nә qәdәr
keçirsә, verin...
Göz qırpımında beşlik, üçlük, birrublluq әsginaslar masanın
üstünә tökülür – әl-ayağım әsir, indicә huşumu itirәcәyәm.
– Hә, nә durmusunuz? – varlı adam deyir. – Pulları götürüb
arvad-uşağınızın yanına gedin.
– Allah әvәzini versin! – deyirәm. – Qoy varınız onqat, yüz -
qat çox olsun! Bu evә xoş güzәran, şadyanalıq arzulayıram!
Vә pulları ikiәlli yığmağa başlayıram, saymayıb cibimә
dürtürәm.
– Gecәniz xeyirә! – deyirәm. – Salamat qalın, Allah sizi vә
uşaqlarınızı, nәvәlәrinizi, bütün nәslinizi xoşbәxt elәsin!
Arabaya tәrәf gedirәm. Bu vaxt varlı adamın arvadı – ipәk
yaylıqlı qadın deyir:

300