Page 281 - Sholom_Aleyhem_Макет 1

Şən kompaniya

– Bizim Çemçuranı, – Bronzentoler papirosu hamarlayaraq
sözünә davam etdi, – hәmişә Allah hifz edib. İlahi tәrәfindәn ona
elә bir şey verilib ki, nә suda batır, nә odda yanır, onu itirmәkdәn
dә әsla qorxmur dostunuz. Verilmiş bu şeyi heç nә ilә müqayisә
etmәk olmaz, onu yazıçının әlindәn almaq da mümkün deyil. Bu
şeyi hәmişә pula çevirmәk olar, Çemçura onu bir an da gözdәn
qoymur, yanında gәzdirir!
– Pula çevirmәk? O, nәdir elә? – Şveytser dözә bilmәdi. –
Qır-qızıl, brilyant?
– Bu şeyin yanında brilyant qara qәpiyә dәymәz! – Bronzentoler
cavab verdi, Çemçura isә başını aşağı dikdi. – Әslindә, brilyantın
mahiyyәti nәdir? Adi bәzәk daşıdır, gah dәbә minir, gah da
düşür! Bәzәn brilyant heç bir işә yaramır, at zibilliyә! Amma
Çemçuraya verilәn bu şey dünya durduqca duracaq, insanlar
onsuz keçinә bilmirlәr.
– Maraqlıdır! – Arkadi sәsini ucaltdı. – Nәnәm, qәbri nurla
dolsun, evdәn yoxa çıxan qәpiklәri mәnim şalvarımın cibindәn
tapanda deyәrdi: bilmәk olmaz, kimin ağlında nә var?!
Arkadi yazıçıya baxıb düşündü: “Sәn bir bu çökükburun
cüllütә bax! Üfürsәn yıxılar!”
Ev sahibi sanki onun ürәyindәn keçәnlәri oxudu.
– Bilirsiniz, – dillәndi, – Allah bizim Çemçuraya elә bir vergi
verib ki, bu, hәr adama nәsib olmur. Gözü ilә gördüyünü...
– ...qamarlayıb cibinә basır, hә? – Şveytser cümlәnin ardını
söylәdi. – Әmim Leybuş kimi! Gördü, vәssәlam! Allah da gәlsә,
tapa bilmәzsәn!
– Dinlәmәk istәyirsinizsә, imkan verin, danışım. Yox, әgәr
maraqsızdırsa, sürüşün buradan! – ev sahibi hövsәlәdәn çıxdı.
Şveytser dәrhal susdu.
Bronzentoler sözünә davam etdi:
– Demәli, Çemçura gözlәri ilә gördüyünü әllәri ilә tәsvir
edir. Allah ona qızıl barmaqlar bәxş edib. Masa arxasına әylәşib
gecә-gündüz yaza bilәr. Mürәkkәb vә kağız bitәnә qәdәr!
– Yәqin, mürәkkәb, kağız almaq üçün böyük pullar xәrclәyir! –
Arkadi söz atdı.

281