Page 286 - Sholom_Aleyhem_Макет 1

Uğur qazanacağıq, әgәr Fırıldaq işlәtsәk, Miskin vәziyyәtә
düşәcәyik. Aydındır? Hә, indi imzalayın!
Bu tәklif ev sahibinin elә xoşuna gәldi ki, yazıçını papirosa
qonaq etdi, elә bil uşağa peçenye, ya da konfet verirdi.
Şveytser әlini razılıqla yazıçının çiyninә qoydu.
– Әhsәn! Sizә söylәmişdim, babam hamamda gözәtçi işlәyirdi,
orada bir tәbib vardı, adı da Menaşke. Cümә günlәri gәlib
adamların saç-saqqalını qırxırdı. Bәzәn birinin başını yarımçıq
qoyub, başqasının üzünü taraş etmәyә qaçırdı. Babam da deyirdi:
“Bacarana can qurban!”
Dostlar razılığa gәlib yeni şirkәtin adını “HUFM vә Ko”
qoydular.
Sonra müqavilәnin imzalanma mәrasimi başlandı.
Mәlum mәsәlәdir ki, ilk imza atan ev sahibi Moyşe Bronzentoler
oldu. Çox dәbdәbәli imzası vardı, әvvәli qalın, sonu isә nazik
xәtlәrdәn ibarәt idi. Ev sahibindәn sonra növbә Arkadi Şveytserә
çatdı. O, bәyan etdi ki, ömrü boyu hamıdan axırda imza atmağa
vәrdiş edib, ona görә dә indi Çemçuranın növbәsidir. Yazıçı
kağızın altından әsl sәnәtkara layiq gözәl imza atandan sonra
qәlәmi Arkadiyә verdi. O, qәlәmi iki barmağının arasına aldı,
sanki şәrab şüşәsinin tıxacını açmağa hazırlaşırdı, sonra kağız
üzәrindә üç kiçik dairә cızdı, axırına da lәkәyә bәnzәr bir şey
çәkdi. Bu imza nәyә desәn bәnzәyirdi, ancaq “Arkadi Şveytser”
soyadı ilә heç bir әlaqәsi yox idi.
İmza mәrasimindә Arkadini tәr basmışdı, sözarası dostlarına
dedi: uşaqlıqda çoxlu yazı yazdığı üçün gözlәri korlanıb vә
hәkimlәr mәslәhәt görüb ki, kağız-qәlәmdәn uzaq dursun. Allah
ona mal-pul bәxş elәmәyib, amma bu әllәri ilә acqarına o qәdәr
rәsmlәr çәkib ki!
Bir otaqda yaşayan üç adam – az öncә birlik yaratmış şәxslәr
gecәdәn xeyli keçmiş, dan yeri sökülәndә bir-birinә şirin yuxu
arzulayıb yatağa uzandılar. Kim bilir, bәlkә dә, dünyada belә
mışıl-mışıl yatan başqa üç adam tapmaq olmazdı. Onları heç top

286