Page 288 - Sholom_Aleyhem_Макет 1

SÜDÇÜ TEVYE
(povest)

“Cahil lәyaqәtsiz”
(Südçü Tevyenin müәllifә mәktubu)

Sevimli vә әziz dostum reb Şolom Aleyxem. Allah sizә vә
әhli-әyalınıza cansağlığı, ailәnizә ruzi-bәrәkәt versin! Qәdәmlәriniz
uğurlu olsun, xoşbәxtlik sizdәn yan ötmәsin! Amin!
İsava qarşı yürüşә başlayarkәn Yaqub peyğәmbәrimiz Allaha
yalvarmışdı, İsavı “cahil lәyaqәtsiz” adlandırmışdı, yәni mәn
dә... Bәlkә, bu müqayisә yersiz görünür, xahiş edirәm, mәni
qınamayın: dünyadan bixәbәr adi bir adamam! Şübhәsiz, savadınız
mәnimkindәn qat-qat çoxdur. Bu, mәlum mәsәlәdir! İlahi, keç
günahımdan, amma adam kәnddә yaşayanda cahillәşir, әlinә
kitab almağa, Müqәddәs kitabdan bir parça oxumağa da vaxtı
qalmır. Xoşbәxtlikdәn, yayda Yequpetsin varlı ailәlәri Boyberik
bağlarına köçür, bu zaman oxumuş adamlarla görüşmәk, onların
ağıllı söhbәtlәrini eşitmәk hәrdәn mәnә dә nәsib olur. Bir az
aralıda, meşәdәki evdә yaşadığınız günlәri yaxşı xatırlayıram.
Utanıb xәcalәt çәkirәm, mәnim kimi qoca sәrsәmin boşboğazlığına
necә dözürdünüz? Bu nәcibliyiniz mәnә sudan, çörәkdәn dә
vacib görünürdü! Hәlә dә başa düşә bilmirәm, nә böyük iş
görmüşәm ki, mәnim kimi sadә bir adama qızıldan qiymәtli
vaxtınızı sәrf edirsiniz, mәktub göndәrirsiniz, üstәlik, yazacağınız
kitaba adımı da salmaq istәyirsiniz.
Mәn, “cahil lәyaqәtsiz”, yәni elә bir yağlı tikәyәm ki, mәndәn
vaz keçmәk olmur? Әgәr elәdirsә, onda özümә “cahil lәyaqәtsiz”
demәmәliyәm. Doğrudur, sadiq dostunuzam, kaş sizә arzuladığımın
yüzdә birini Allah mәnә әta elәyәydi! Yadınızdadır? Sizin üçün
cәmi әlli rubla inәk almışdım, belәsini heç әlli beşә dә vermәzdilәr.
Amma üç gün sonra inәk gәbәrdi. Mәnim nә günahım? Üstәlik,
sizin üçün aldığım ikinci inәk dә öldü! Özünüz yaxşı bilirsiniz
ki, bundan nә qәdәr pәrişan oldum, başımı itirmişdim! Vallah,
әlimdәn gәlәn yaxşılığı elәmәyә çalışırdım. Allah mәni dә, sizi

288