Page 272 - Sholom_Aleyhem_Макет 1

Şolom Aleyxem

müşayiәt edirdi. Bәs çaxır zirzәmilәri? Buradakı çәllәklәrdә göz
yaşı kimi tәmiz araq, әtirli çaxır, әla konyak, tәbii bal, müxtәlif
meyvә içkilәri saxlanılırdı. Şüşәni açmaq istәyirsәn, tıxac qazın
tәsirindәn güllә kimi çıxıb tavanı deşir, şәrabın әtrindәn bihuş
olursan...
Bronzentoler әli ilә tıxacın şüşәdәn necә çıxdığını göstәrdi:
– Part!!!
Bu an Şveytser yenidәn araya girdi:
– Sizә bir söz deyim. Karetlәri, cıdır atlarını, köpәklәri, at
belindә çapan meşәbәyilәri bir qab Polşa balına, ya da içkisinә
dәyişirәm. Bәlkә, çaxır daha çox xoşunuza gәlir?
– Әşi, fәrqi nәdir, tәki içmәyә bir şey olsun! – Bronzentoler
cavab verib söhbәtinә davam etdi. – Nağd pul, saysız-hesabsız
bank hesabları... Bu adamların işi-peşәsi gecә-gündüz pul qırxmaq
idi, elә hey qırxırdılar, qırxırdılar...
Bronzentoler bu sözlәri deyәndә iki barmağını qayçı kimi
hәrәkәt elәtdirib “pul qırxmağı” göstәrdi, otaqdakılar dәrhal
gözlәri önündә qalaq-qalaq pul canlandırdılar.
Şveytser dillәndi:
– Anamın ulu babası da çox zәngin olub, mal-qarası, qoyun-
quzu sürülәri... Hamısını sağıb qurtara bilmirdilәr. Böyük çala
qazıb heyvanları ora salıblar ki, süd öz-özünә tökülsün, onlar da
dırnaqları ilә tapdalayıb yağ hasil elәsinlәr.
– Görürәm, – ev sahibi tәәssüflә bildirdi, – sizә elә gәlir ki,
zarafat edirәm. Әzizim, bu, sizin üçün “Min bir gecә” nağılı de -
yil!
– Allah eşqinә! – Arkadi özünә bәraәt qazandırmağa çalışdı, –
niyә elә fikirlәşmәliyәm? Uşaq deyilәm ki! Danışın, danışın,
qulağım sizdәdir.
– Yaxşı. Harda qaldım? Hә, demәli, çox zәngin idilәr vә
1863-ci il Polşa qiyamına qәdәr şad-xürrәm yaşayırdılar. Amma
qiyamdan sonra bütün var-dövlәti әllәrindәn alıb qraf titulundan
mәhrum etdilәr. Qraf Dombe-Dembo-Dembitskinin sonu çatdı,
adi pan Dombe-Dembo-Dembitski oldu!

272