Page 271 - Sholom_Aleyhem_Макет 1

Şən kompaniya

tutub ucadan elә qәhqәhә çәkdi ki, dedim bu dәqiqә ürәyi
dayanacaq. “Tı estem velkim durnim, Moşka!” – deyir. Yәni,
“Sәndәn axmaq adam yoxdur”. Sonra gülmәkdәn yaşarmış
gözlәrini silә-silә bildirir: “Mәnim payıma, nә az, nә çox, düz
otuz üç milyon düşür. Üçümüzün, yәni mәn vә iki bacımın isә
doxsan doqquz milyonumuz var”. Dәrhal komoda yaxınlaşır, bir
qalaq kağız-kuğuz çıxarıb gözümә soxur. “Na baç!” Yәni, “Al,
bax!” Nәyinә baxım? Kağızdır da! Üzәrindә çoxlu möhür var,
amma nә yazıldığını bilmirәm. Deyir: “Görürsәn bu imzanı?
Şәxsәn prezident qol çәkib. Amerikadan mәnim ünvanıma
göndәriblәr, San-Fransisko, Kaliforniyadan”. Nә deyirәm ki!
Olsun Kaliforniya! Nә bilim orada nә yazılıb? “Pan Moşka, gәl
mәn sәnә әhvalatı olduğu kimi danışım, onda bilәrsәn, bu
kağızlarda nә yazılıb vә qraf Dombe-Dembo-Dembitski kimdir?”
Pan bunu deyib uzun müştüyünә papiros taxdı, yandırıb bir
neçә dәrin qullab vurdu vә әhvalatı söylәmәyә başladı.
– Әsl söhbәt indi başlayır ki! – Arkadi әlini-әlinә sürtüb
yazıçıya göz vurdu. – Pan yazıçı, sizdәn xahiş olunur ki, mürgü
döymәyib diqqәtlә qulaq asasınız!
– Siz hәlә mәnim kimi dinlәmәyi vә boşboğazlıq etmәmәyi
öyrәnin, sonrasına baxarıq! – Çemçura dişlәrini qıcadı.
Bronzentoler qraf Dombe-Dembo-Dembitskinin әhvalatını
danışmağa başladı.

Sәkkizinci fәsil

– Demәk, harda qalmışdıq? Hә, qraf Dombe-Dembo-
Dembitskidә. O, Polşanın qәdim vә zәngin Dombe-Dembo-
Dembitskilәr nәslindәndir. Polşa tarixindә misilsiz rol oynamış
Pototski, Lyubomirski vә Zamoyskilәrlә yaxın qohumdur.
Dembitskilәrә min kvadrat verstlәrlә ölçülәn iri әkin sahәlәri,
nadir ağacları olan meşә zolaqları, dәbdәbәli saraylar, meyvә
bağları, cins at sürülәri, faytonlar, ov köpәklәri mәxsusdur. Pan
deyir ki, onlar ova vә ya gәzintiyә çıxanda altı at qoşulmuş
karetlәr yan-yana düzülürdü, meşәbәyilәr dә atın belindә karetlәri

271