Page 267 - Sholom_Aleyhem_Макет 1

Şən kompaniya

– Hә... İndi hәr şey aydın oldu! – Şveytser gülümsündü. –
Dәllallıq edirsiniz! Bildim! Yequpets dağlarını, Boyberik meşәlәrini
satışa çıxaran, Odessa limanını dünyanın boş vәdlәri ilә dәyişәn,
Mazepovkadan Aya dәmir yolu çәkmәyә girişәn dәllal! Bunu
bayaqdan deyin dә! Yoxsa mus-mus... Sizi özümә qardaş bilirәm.
Xәtriniz әziz olsun! Yeri gәlәndә, mәn dә dәllal olduğumu
deyirәm. Çamadanımda bir-iki kağız var. Bu sәnәdlәrdә bir neçә
zәngin malikanә, ora daxil olan sıx meşәlik, möhtәşәm saraylar,
cins atlar, içindә nadir balıqlar, vәhşi ördәklәr üzәn göllәrin
tәsviri vә planı var.
– Aha, gör necә dil açdı? – Bronzentoler yeni kirayәnişinin
sözünü kәsdi. – Belәsinә heç rast gәlmәmişdim! Bir baxın, sözlәri
muncuq kimi necә düzür? Sanki ravvindir, sinaqoqda dua oxuyur!
Ay Allah, indi gülmәkdәn ölәcәyәm! Böyük sәhviniz var, dostum.
Heç vaxt dәllal olmamışam vә olmaram da! Heç dәllalların
yanından belә ötmәmişәm. Mәnim işim mirasdır. Biz böyük
miras uğrunda çәkişirik.
– Miras? – Arkadi sözü havada tutdu. – Kimdәn? Hansı
babadan? Yәqin, böyük cah-calal qalıb – iri qoyun sürülәri olan
bir neçә kәnd, yel dәyirmanları, tikililәr, daşdan hörülmüş
dükanlar! Bәs necә? Axı yәhudi mirasıdır!
– Yenә başladı! Dilinizi dinc qoya bilmirsiniz? Әgәr hәqiqәti
bilmәk istәyirsinizsә, sözümü kәsmәyin. Mәn ki sözünüzü
kәsmirdim! – Bronzentoler çox kәskin danışdı, papirosdan dәrin
qullab vurub gәrnәşdi, ayaqlarını irәli uzadıb danışmağa başladı.
Kirayәnişinlәrin ikisi dә onu diqqәtlә dinlәmәyә hazır idi.
– Bizә qalan miras nağd puldan ibarәtdir, faizlәri dә üstünә
gәlsәk, doxsan doqquz milyon rubla bәrabәrdir.
– Nә? Doxsan doqquz milyon? – Arkadi yerindә qurdalandı,
dözmәyib çarpayıdan qalxdı. – İlahi, bu, elә bir mәblәğdir ki,
üçümüzә dә ömrümüzün axırına kimi bәs edәr. Hәlә, üstәlik, qo-
hum-qardaşa, xeyriyyә işlәrinә dә çatar. Düz demirәm?
Bronzentoler sәbirlә imkan verdi ki, kirayәnişin ürәyini
boşaltsın, sonra papirosuna dәrin qullab vurub sözünә davam
etdi.

267