Page 265 - Sholom_Aleyhem_Макет 1

Şən kompaniya

– Saxla! – Bronzentoler sözünü kәsdi. – Bunu başa düşdük.
Ardını danışın!
Bu, Arkadinin xәtrinә dәydi.
– Yәqin, düşünürsünüz, gopa basıram, nağıl danışıb başınızı
aldadıram, hә? Nә istәyirsinizsә, düşünün, ancaq ömrümdә yalan
söylәmәmişәm, anamın әziz canına and içirәm! Bu, mәnim üçün
әn müqәddәs anddır! Anadan әziz adamım yoxdur! Dünya da
dağılsa, hәr hәftә ona pul göndәrirәm! Amma bәxtim ayaq üstәdir,
inanın, gün gәlәcәk, on üçüncü uduşa da sahib çıxıb klubdan
böyük pullarla ayrılacağam! Düzdür, hәlәlik iyirmi beş rublluq
klub kartım yoxdur, ora gedә bilmirәm. Başıma xırda-para iş
gәlib, dost-tanışa bir az borcum var. Olan-qalanımı satmışam.
Qızıl saatımı, üzüyümü, pula gedәn nәyim varsa, lombarda girov
qoymuşam. Әgәr bütün bunların pulu ilә klub kartı ala bilsәm,
Allahın kömәyi ilә istәyimә çatacağam, onda yüz minә pul
demәyәcәyәm! Baxışlarınızdan görürәm ki, mәni dәli hesab
edirsiniz! Düz tapdım? Görünür, mәnә hәlә yaxşı bәlәd deyilsiniz.
Әmin olun, iyirmi beş rublluq klub kartını göz qırpımında yüz
minә çevirmәk mәnim әlimdә su içmәk kimi asandır. Oynayırsan,
udursan, kart gәlir, pulları aparırsan, bir dә gözünü açıb görürsәn
ki, on üçüncü uduşun da sahibi sәnsәn, bir sözlә, var-dövlәt
içindә itib-batmısan!
Arkadi yenә adәti üzrә güldü, hәtta uğundu, siqar damağında
ayağa qalxdı, әllәrini cibinә qoyub var-gәl elәdi, sonra otağın
ortasında dayanıb bir ayağını irәli atdı vә yerindә yırğalanmağa
başladı. İndicә on üçüncü uduşa sahib olub böyük pullar qazanmış
adama oxşayırdı. Özünü ağa kimi aparırdı!
Bu an Arkadi Şveytserә baxan hәr kәs әminliklә deyә bilәrdi
ki, qarşısındakı dünyanın әn xoşbәxt adamıdır!

265