Page 261 - Sholom_Aleyhem_Макет 1

Şən kompaniya

Sahibәsi dә gözәllәr gözәli! Әsl adı Reyz olsa da, hamı onu Roza
çağırırdı. İş elә gәtirdi ki, o da mәni bәyәndi. Dilә tutdu ki,
çәkmә silmәyin daşını atıb onun yanında işә girim. Mәnә cangüdәn
vәzifәsini hәvalә etdilәr.
– Sәn bir işә bax! – Bronzentoler dedi.
– Anlamadım, sizi hansı vәzifәyә tәyin etdilәr? – Çemçik
xәbәr aldı.
– Cangüdәn. Bilmirsiniz cangüdәn nәdir? – Arkadi tәәccüblәndi,
gözlәri elә bәrәldi ki, sanki qarşısındakı adam yağ-çörәyin nә
olduğundan xәbәrsizdir. – Doğrudan, xәbәriniz yoxdur? Kimisә
traktirdәn qovmaq lazım olanda, әgәr bu adam öz xoşu ilә çıxıb
getmәk istәmirsә, cangüdәn işә qarışır, yapışır hәmin adamın
yaxasından vә “cәhәnnәm ol!” deyib atır çölә! İndi başa düşdünüz?
Mәn heç dә pis cangüdәn deyildim vә traktirin sahibәsi dә işimi
bәyәnirdi. Uzun sözü qısası, hәmin bu Roza, pişik südü sevәn
kimi, mәnә aşiq olmuşdu, bir addım da aralanmırdı mәndәn.
Nәhayәt, evlәnmәyi tәklif etdi. Ona dedim: “Evlәnmәk? Gözüm
üstә! Әla oldu! Amma bunun bir maddi tәmәli olmalıdır, ya yox?
Nağd pulla min rubl!” Mәnә elә baxdı ki, guya dәli olmuşam.
Kim uddu? Әlbәttә, mәn! Bundan başqa, razılaşdıq ki, bir-
birimizin işinә qarışmayacağıq. Mәnim işim isә kart vә bilyarddan
ibarәt idi. Ancaq işimizi necә tәsәvvür edirsiniz? Hörmәtli
cәnablar, mәlumunuz olsun ki, şәhәrin әn tanınmış cavanları
bizim traktirә gәlib bilyard oynamağı öyrәnirdilәr. Amma günün
bilyardla keçirsә, gecә mütlәq qәlyanaltı әvәzinә kart oynamalısan.
Düz demirәm?..
Nә ev sahibi, nә dә yazıçı bu suala tutarlı cavab verә
bilmәdilәr. Ona görә dә yeni kirayәnişindәn xahiş etdilәr ki,
әhvalatın ardını danışsın. Arkadi yenidәn siqar yandırıb sözünә
davam etdi.

261