Page 264 - Sholom_Aleyhem_Макет 1

Şolom Aleyxem

әlinә bir dәfә kart alan şәxs artıq ondan qurtula bilmir. İçki
düşkünü vurmayanda özünә yer tapa bilmәdiyi kimi, sәn dә
qumar oynamayanda әl-ayağın әsir. Birtәhәr dözürdüm, amma
bu ayrılıq uzun sürmәdi. Bilyardxanada bir mahir oyunçu ilә
tanış oldum, gözümü açdı, mәni “klub” deyilәn sehrli alәmlә
qovuşdurdu. Yeni hәyata başladım, cәnnәtin harada olduğunu
kәşf elәdim! Sәn bir sözә bax: Klub! Ürәyin nә vaxt istәyir gәl,
kimdәn xoşun gәlirsә, onunla oyna, ortalığa, yәni banka imkanın
çatan miqdarda pul qoy! Yaxud dayan bir kәnarda, nәfәsini içinә
çәkib bilyardçılara azarkeşlik elә, qәlәbәyә pul yatır, ya da otur
kart masasına, hünәrini göstәr! Bәxtin gәtirdi – xoşbәxtsәn, yox,
әgәr uduzdun – onda get özünü as! Qumarın sonu budur! Özünü
oda-közә vur, qayadan at! Klubda sizdәn kimlik soruşan yoxdur,
cibdәki pulu hansı yolla әldә etmәyiniz dә kimsәyә maraqlı
deyil. Oyunu uddunuz, yaxud uduzdunuz – öz işinizdir, sizә irad
tutan olmayacaq. Pulun var – gәl, yoxdur – sürüş! Klub budur!
Bir axşama bütün var-dövlәtini, hәtta axırıncı şalvarını da uduza
bilәrsәn. Amma iblis üzünә güldüsә, istәdiyin kart açıldısa,
bilyard daşlarını ram edә bildinsә, demәli, sәndәn bir dәnәdir!
Әz, parçala, hökm elә, aman vermә! Rәqibin nәfәsini kәs!
Arkadi elә qızışmışdı ki, özü dә bilmәdәn yumruğunu var-
gücü ilә masaya döyәclәdi, yazıçı yenә dә, az qaldı, yerә yıxılsın.
– Özünüzü әlә alın! – Bronzentoler yeni kirayәnişinә iradını
bildirdi. – Çemçuroçkanı yenә qorxutdunuz!
Arkadi üzr dilәdi:
– Әsәbilәşirәm dә! Dәfәlәrlә qucaq-qucaq pul udmuşam, hәr
dәfә dә cibimә doldurub sakitcә aradan çıxa bilәrdim. Atdan-
zaddan alardım, rezin çәkmәlәrim, bahalı xәz kürküm olardı,
әllәrimi cibimә qoyub ağa kimi yaşayardım – Yequpetsin varlı
sakininә çevrilәrdim. Amma mәәttәl qalmışdım: daxilimdә nә
baş verir? Bu, mәnәm, mәn deyilәm? Uduzmağım vecimә deyil.
Gәl ki, bircә dәfә udan kimi düşünürәm: bәxtim açılıb, oyunu
dayandırmaq olmaz! Könlümdәn yalnız bu keçir! Vücudumu
әsmә tutur. Hansısa qüvvә beynimә, qәlbimә hakim kәsilir vә
mәni tәhrik edir: Oyna! Oyna! Oyna!..

264