Page 254 - Sholom_Aleyhem_Макет 1

Şolom Aleyxem

barәdә daha әtraflı danışacağıq. Az sonra Arkadidәn bәhs edәcәyik,
hәlәlik isә onun otaq yoldaşları ilә tanış olaq.
Arkadi çamadanını yeni mәnzilә gәtirәndә axşam düşmüşdü.
Otaqda hisli lampa közәrirdi, masanın arxasında izә ağ çöhrәli,
acgöz baxışlı, uzun saçlarına bol yağ çәkmiş qәribә mәxluq
әylәşmişdi. Mәxluq nәsә yazırdı. Әynindә qolları gen çesuça
pencәk, balaca ayaqlarında dar çәkәlәk vardı, ağ kağız yaxalığının
üstündәn al-qırmızı qalstuk sallanırdı.
“Yәqin, bu, “Nol, Şmol vә kompaniya”nın üzvlәrindәn biridir” –
Arkadi düşündü.
Çamadanını çarpayılardan birinin üstünә qoyan Arkadi
Şveytser özünü ağ şalvarlı, qırmızı qalstuklu mәxluqa tәqdim
etdi, mәxluq isә öz növbәsindә tәlәsmәdәn eynәyini çıxarıb
yerindәn qalxdı vә başını silkәlәyib onu salamladı.
– Yeni qonşumuz sizsiniz? Әylәşin! Ayaq üstә qalmayın! –
yeganә stulu Arkadiyә tәrәf çәkdi.
Qırmızı qalstuk, uzun yağlı saçlar, enli qolları olan çesuça
pencәk, ağ dar çәkәlәklәr, xırıltılı sәs, yerindәn qalxmağı – bütün
bunlar Arkadiyә çox qәribә göründü, gülmәkdәn özünü güclә
saxlayırdı.
– Deyәsәn, mәktub yazırsınız, – Arkadi soruşdu. – Yazın,
yazın! – stulu geri itәlәdi.
– Mәktub deyil, kitabdır. Hәmişә yazıram. Necә deyәrlәr,
yazıçıyam, – xırıltılı sәsi olan mәxluq izah etdi, yenә dә başını
tәrpәdib yağlı saçlarını silkәlәdi.
Arkadi yalnız indi onun çesuça pencәyin enli qollarından
uzanan nazik barmaqlı ağ әllәrinә diqqәt yetirdi.
– Yazıçı? Nәdәn yazırsınız? Çaşıb bizdәn yazarsınız, ha...
Yazıçı xәfif gülümsündü, xırda qara dişlәri göründü, adәtәn,
şirniyyatı çox sevәn uşaqların belә dişlәri olur.
– Dostlar barәdә yazanlardan deyilәm. Dәymә mәnә, dәymәyim
sәnә!
Zәrb-mәsәl yerinә düşmәdi. Onsuz da, görkәmindәn bәlli idi
ki, әgәr ona toxunmasan, ömründә sәni sancmaz. Belә adamları
simasız adlandırırlar, onlar xarakterini nümayiş etdirmәyi sevmirlәr,

254