Page 251 - Sholom_Aleyhem_Макет 1

Şən kompaniya

Ayda dörd rubl, çarpayı mәndәn, yataq dәsti sizdәn, gündә bir
dәfә samovardan qaynar su götürә bilәrsiniz, bir hәftәnin pulunu
da әvvәlcәdәn ödәmәk lazımdır. Nә işlә mәşğulsunuz?
– Nә iş görürәm? – qonaq dodaqaltı mızıldandı. – Hә...
Demәk, gündә bir dәfә qaynar su... Mәn iki dәfә nәzәrdә
tutmuşdum.
– İki dәfә nәyinizә gәrәkdir? Bәyәm bütün günü evdә
oturacaqsınız? Ora-bura getmәyәcәksiniz?
– Getmәyinә gedәcәyәm, – qonaq cavab verdi. – Bәzәn elә
olur ki, evә tez gәlirsәn, könlündәn çay keçir...
– Su için!
– Mәslәhәtә görә minnәtdaram.
– Dәymәz, – yarıçılpaq ev sahibi bildirdi, amma yenә dә
gördüyü işdәn gözünü ayırmayıb qonağa tәrәf baxmadı.
– Demәk, burada neçә nәfәr qalacağıq? – qonaq soruşdu,
mәәttәl qalmışdı ki, bu darısqal otağa üç çarpayını necә yerlәş -
diriblәr.
– Burada üç nәfәr, bir dә ev sahibi.
– Üç adam, bir dә ev sahibi? Amma burada cәmi üç çarpayı
var axı. Bәs siz harda yatırsınız?
– Mәnә görә narahat olmayın! Yer taparam. Masanın üstündә
dә yata bilәrәm.
Qonaq heç nә anlamadı. Tәsәvvürünә gәtirә bilmirdi ki, yaşlı
adam masanın üstünә necә yerlәşәcәk, bәs ayaqlarını hara
uzadacaq? Düşündü ki, ev sahibi onunla mәzәlәnir, dözmәyib
soruşdu:
– Bilmәk maraqlı olardı, belә böyük adam kiçik masa üstündә
necә yata bilәr?
– Necә? Çox sadә! Bura әlavә iki masa da birlәşdirirsәn,
vәssalam!
– Sizin axı bir masanız var...
– Hә... bu, heç yaxşı olmadı...
“Qoca tәlxәk!” – qonaq düşündü vә yenidәn qocaya müraciәt
etdi:

251