Page 246 - Sholom_Aleyhem_Макет 1

Şolom Aleyxem

Sinaqoq xidmәtçilәri çomaqla adamları qovur, toplaşanları
dağıtmağa çalışırdılar. Qәlәbәlik durmadan artırdı, nәhayәt, atın
belindә әylәşmiş vә әlindә qırmanc tutmuş uryadnik işә qarışmalı
oldu. Bir qәzәbli baxışı vә qamçısını havada oynatması ilә hamını
qovdu, sonra atdan enib dәfn mәrasimi iştirakçılarının yanına
gәldi ki, görsün burada nә baş verir, mәrhum kimdir, nәdәn ölüb,
camaat meydana niyә toplaşıb? Әvvәlcә mәndәn soruşmaq istәdi
ki, kimәm, nәçiyәm, haradan gәlib, hara gedirәm? Dilim tutuldu,
ürәyim әsmәyә başladı. Bilmirәm, nә işdir: uryadnik görәn kimi,
qollarım yanıma düşür, halbuki ömrümdә heç milçәyi dә
incitmәmişәm vә yaxşı bilirәm ki, uryadnik dә başqaları kimi bir
adamdır. Әksinә, elә yәhudilәr tanıyıram ki, uryadniklә dostluq
edir, bir-birinә qonaq gedir, bayramlarda balıq yeyirlәr. Uryadnik
dә öz növbәsindә onlara yumurta hәdiyyә edir... Nә isә! Kifayәtdir!
Deyәsәn, yenә ucundan tutub, ucuzluğa getdim…
Belәliklә, uryadnik mәni dindirmәyә başladı. İndi gәl ona
danış ki, bәs Zvogeldә qayınatamın hesabına dolanıram, indi isә
Radomısla, pasport almağa gedirәm.
Xoşbәxtlikdәn, qardaşlıq üzvlәri dadıma çatdılar. Saqqalı
qırxılmış balacaboy kişi dәrhal uryadniki kәnara çәkib pıçıldaşdı,
nazik barmaqlı uzundraz isә tәlәsik mәni başa saldı ki, nә demәk
lazımdır.
– Ona yerli olduğunuzu, şәhәr kәnarında yaşadığınızı söylәyin.
Deyin ki, mәrhumә qohumunuzdur, qayınananızdır, ölüb vә onu
dәfn etmәk üçün buraya gәtirmisiniz. Cavab verәrkәn bir ad uy-
durun, xizәkçini isә evә aparıb bir az içizdirәrik ki, әl-ayağa
dolaşmasın. Narahat olmayın, hәr şeyi yoluna qoyarıq.
Uryadnik protokol tәrtib etmәyә başladı.
– Adın nәdir?
– Movşa.
– Atanın?
– İtsko.
– Neçә yaşın var?
– On doqquz.

246