Page 253 - Sholom_Aleyhem_Макет 1

Şən kompaniya

Әhvalat Parisdә baş verir.
Cavan cütlük.
Oğlan Berlindәn, qız isә Vyanadandır.
Onlar hәlә evli deyillәr. Nişanlılar Parisә yollanırlar ki, bir-
birini yaxından görüb tanısınlar.
Şәhәrә eyni vaxtda gәlib eyni hotelin ayrı-ayrı nömrәlәrindә
qalırlar. Tanış deyillәr, ona görә dә bir-biri barәdә mәlumatları
yoxdur.
Sәn bir Allahın işinә (istәsәn dә, bu әhvalatı özündәn uydura
bilmәzsәn) bax! Hәr ikisinin çamadanı eyni idi, eyni fabrikdә
istehsal olunmuşdu, kilidi, açarı da eyni... Hotel xidmәtçilәri
çamadanları sәhv salır: oğlanın çamadanını qızın otağına, qızınkını
isә oğlanın otağına aparırlar.
Yol yorğunluğunu çıxarmaq üçün vanna qәbul edәn nişanlılar
hәrәsi öz çamadanını açır. Oğlan qadın paltarlarını, qız isә oğlan
geyimlәrini görüb mәәttәl qalır! Onların bәrәlmiş gözlәrini
tәsәvvür edirsinizmi? Az qalır, dәli olsunlar! Amma maraq hәmişә
adama güc gәlir. Şokun tәsirindәn ayılanda çamadanları eşәlәmәyә
başlayırlar. Әşyaların arasından xeyli kağız vә mәktub çıxır.
Adamlar da, bildiyiniz kimi, özgә mәktublarını oxumağa hәmişә
böyük hәvәs göstәrirlәr! Cavanlar bu mәktublardan bir-biri barәdә
elә şeylәr öyrәnirlәr ki, bәlkә, әlli il birlikdә yaşasaydılar, bunların
cüzi bir hissәsindәn xәbәr tuta bilәrdilәr... Nә isә, hәrәsi gәldiyi
şәhәrә – oğlan Berlinә, qız isә Vyanaya qayıdır. Evlilik baş
tutmur!
İndi isә Arkadi Şveytserin çamadanına baxaq: camaşırlar,
iki-üç әdәd kağız yaxalıq vә manjetlәr, bir neçә papiros qutusu,
kiçik dua kitabı, mәzamir, içindә dualar olan balaca dәri qutular
(yәhudi ruhu özünü göstәrir!) vә sürtülmәkdәn rәngi getmiş bir
neçә kart dәsti.
Buradan belә nәticә çıxarmaq olardı ki, bizim Arkadi karta
heç dә biganә deyil. Bәs bu qәdәr kart dәsti onun nәyinә gәrәkdir?
Demәli, qumarbazdır, çörәyi kartdan çıxır! Bәli, yanılmamışıq.
Tanış-bilişdәn xәbәr alıb öyrәndik ki, qumarxanaların daimi
sakinidir. Bunu yaxşı yadda saxlamaq lazımdır, Allah qoysa, bu

253