Page 252 - Sholom_Aleyhem_Макет 1

Şolom Aleyxem

– Siz necә dediniz, birinci hәftә üçün pulu nә vaxt ödәmәk
lazımdır?
– Әgәr otaq ürәyinizә yatırsa, dәrhal! Necә deyәrlәr, dәmiri
isti-isti döymәk lazımdır!
Qonaq özü dә qoca ilә hәvәslә mәzәlәnәrdi. Lakin söhbәt
boyu ev sahibi bir dәfә dә başını qaldırıb ona tәrәf baxmadı.
Kirayәnişin ilkin ödәniş kimi cibindәn gümüş rubl çıxarıb masanın
üstünә qoyanda da kişi ona nәzәr salmadı. Yalnız barmağının
ucu ilә dәmir pulu özünә tәrәf çәkdi vә papirosuna tәnbәki
doldurmaqda davam etdi.
Bu, qonağın xәtrinә dәydi. Çarpayıdan qalxıb özünü tәqdim
etdi:
– Arkadi Şveytser.
– Bronzentoler, – ev sahibi ağızucu dillәndi vә sağollaşmaq
üçün arıq, tüklü iki barmağını ona uzatdı.
Arkadi Şveytser kandarda ev sahibinә tәrәf çevrildi:
– Hörmәtli Bronzentoler, zәhmәt olmasa, deyin, otaq
yoldaşlarım kimdir?
Ev sahibi hәlә dә öz mәşğuliyyәtindәn әl çәkmәmişdi.
– Onların kimliyini bilmәk istәyirsiniz? Allah qoysa, axşam
gәlin, mütlәq tanış olarsınız. Biri Nol, digәrinin adı isi Şmoldur.
Biz ikimiz dә onlara qoşulsaq, olacaq “Nol, Şmol vә şәn
kompaniya” hә, necәdir? Razı qaldınız? Adye! Әşyalarınızı gәtirә
bilәrsiniz.

İkinci fәsil

Arkadi Şveytser әşyalarını gәtirmәk üçün köhnә mәnzilinә
yollandı. Әşyaları ağzınacan doldurulmuş çamadandan ibarәt
idi... İçindә nә vardı? Sizcә, cavan adamın çamadanında nә ola
bilәr? Sizi bilmirәm, amma mәnim özgә çamadanının içinә bax-
maqdan zәhlәm gedir. Bir parisli cütlük barәdә povest oxuyandan
sonra bu hiss mәndә daha da güclәnib. Әgәr vaxtınız varsa,
povestin qısa mәzmununu danışım.

252