Page 238 - Sholom_Aleyhem_Макет 1

Şolom Aleyxem

Allahın kömәyi ilә sübhçağı gәlib mәnzilbaşına çatdıq. Şәhәr
yuxuya dalmışdı, küçәlәr kimsәsiz idi, belә havada heç it dә çölә
çıxmaz. Nәhayәt, iri darvazalı evi tapdıq, qapıdan süpürgә
asılmışdı – yәni bura karvansaradır. Mikita darvazanı döydü.
Pәncәrәdәn zәif işıq göründü, sonra ayaq sәslәri eşidildi:
– Kimdir orada?
– Zәhmәt olmasa, açın, bizi içәri buraxıb savab qazanın...
– Savab? Kimsiniz axı? – darvaza arxasındakı adam qıfılı
açmağa başladı.
– Açın, – deyirәm, – ölü gәtirmişәm.
– Nә?
– Ölü.
– Necә yәni ölü?
– Rәhmәtә gedәn var. Kәnddәn, aşxana sahibinin vәfat etmiş
arvadını gәtirmişәm...
Darvazanın arxasındakı sәs kәsildi. Qıfılın necә bağlandığını,
uzaqlaşan addım sәslәrini eşitdim. İşığı da söndürdülәr, әlacımız
kәsildi. Xizәkçidәn xahiş etdim ki, yenә pәncәrәni döysün. İşığı
yandırdılar vә bayaqkı sәs hirslә soruşdu:
– Nә istәyirsiniz? Niyә әl çәkmirsiniz?
– Allah xәtrinә, – yalvarıram, – bizә rәhminiz gәlsin. Xizәkdә
meyit var...
– Nә meyit?
– Aşxana sahibinin arvadı.
– Hansı aşxana sahibi?
– Adını unutmuşam. Deyәsәn, Xave-Mixldir, Xana-Refoelin
qızı, daha doğrusu, Xana-Refoel, Xava-Mixlin qızı, yәni Xana-
Xava-Xana...
– Rәdd ol buradan, avaranın biri! Yoxsa başına qaynar su
tökәrәm!
Karvansara sahibi bunu deyib çıxıb getdi, işığı da söndürdü.
Yalnız bir saat sonra, hava işıqlaşanda darvaza azacıq aralandı vә
hәmin adam soruşdu:
– Pәncәrәni döyәn siz idiniz?
– Bәli.

238