Page 217 - Sholom_Aleyhem_Макет 1

Üç dul qadın

elәmişdi. Qruzeviçin adı Mişa idi. Dul qadınların sevimlisinә
çevrilmişdi. Adı dillәrindәn düşmürdü, bütün günü bu oğlandan
danışır, yalnız onun qayğısına qalırdılar. İndi isә gәrәk hamı
farağat dayansın, kimsә yatmasın, dilinә heç nә vurmasın, su
içmәsin. Niyә? Çünki Mişanın başı dәrddәdir! Mişanı hәbs
ediblәr! Mәhkәmәsi olacaq! Mişanı mütlәq xilas etmәk lazımdır!
Demәk asandır! Onu hәbsdәn necә qurtarmaq olar? Görüş
vermirlәr! Nә mәni, nә dә doğmalarını yanına buraxırlar! Anladım
ki, vәziyyәt hәddindәn artıq ağırdır, әn yaxşı halda onu sürgün,
pis halda isә dar ağacı gözlәyir!.. Görürәm yeriniz narahatdır,
bura, pәncәrәyә yaxın әylәşin. Deyәsәn, söhbәt sizi bezdirdi, hә?
Heç nә olmaz! Mәn sizdәn dә çox bezmişәm! Sizә nә var ki!
Әhvalatı dinlәyib (indi yekunlaşdırıram) sakitcә evinizә gedәcәk -
siniz, mәn isә hәyatımın acılarıyla tәkbәtәk qalacağam.
Ay sәni, unutdum, harda qalmışdıq? Hә, mәhkәmәnin
hökmündә: edam cәzası verdilәr. Yәqin, dәfәlәrlә qәzetlәrdә
oxumuşsunuz, bu gün filan yerdә iki nәfәri edam etdilәr, dünәn
filan yerdә üç nәfәri dar ağacından asdılar. İndi adam başı kәsmәk
toyuq başı kәsmәkdәn asandır. Siz isә özünüzü elә göstәrirsiniz
ki, guya dünya vecinizә deyil. Yırğalanan kresloya yayxanıb
bihuşedici qoxu saçan Havana siqarından tüstülәdirsiniz, yağlı
kökә ilә bir fincan qәhvә içirsiniz. Orda isә sizә yaxın bir adam,
bәlkә dә, qәlbindә, damarlarında hәyat eşqi çağlayan әziziniz dar
ağacından sallanır, ölümün pәncәsindә çırpınır, son nәfәsini verir.
Özünüzü necә hiss edәrdiniz? Cәlladların aman vermәdiyi insanın
meyiti hәlә soyumayıb, qıc olub, bunu necә, tәsәvvürünüzdә
canlandıra bilәrsinizmi? İnsana olmazın әzablar verirlәr, o, bu
әzablardan qurtulub tezliklә ölmәk istәyir, amma cәllad ipi onun
boğazına möhkәm bağlamayıb, ip bu talesiz adamın ağırlığına
davam gәtirmәyib qırılır, o, yarımcan halda yerә yıxılır, nә sağdır,
nә dә ölü, yalnız gözündәki son hәyat işartısı ilә yalvarır ki, daha
dözә bilmirәm, işimi bitirin. Nә dediniz? Bu barәdә danışmağı
sevmirsiniz? Yaman tәrssiniz. Elә mәn dә sizin kimi! Tәsәvvür
edin, Mişaya görә haralara getmәdim, kimlәrin qapısını döymәdim,

217