Page 211 - Sholom_Aleyhem_Макет 1

Üç dul qadın

Üçüncü dul qadın

Yaxşı ki, mәni evdә tapdınız. Düzünü desәm, hәmişә evdә
oluram, amma hәr adama qapı açmıram. Hәrәnin bir xasiyyәti
var... Mәsәlәn, mәn xoşlayıram ki, nahar edәndә pişik qarşımda
otursun. Pişiksiz süfrә arxasına keçmәrәm. Kis-kis-kis! Necә
pişikdir? Özü dә ağıllı-kamallı! Acından ölsә dә, icazәsiz bir
şeyә әl vurmaz! Hәlә tüklәri? Xoşunuza gәlir? Әladır, hә? Nә?
Pişiklәri sevmirsiniz? Ruhani mәktәbindә beyninizi doldurublar
ki, pişiklәrdәn uzaq gәzin?.. Yaxşı, yaxşı, mәni aldada bilmәzsiniz,
bu nağılları gözәl bilirәm, başqasına söylәyin! Südlü çay? Yoxsa
adi? Mәn südlü içirәm... İtil!.. Çor dәymiş! Miyoldamağına bax!
Süd görәndә ağlı başından çıxır! Yağla arası yoxdur, südü xoşlayır.
Bilirsiniz ki, giriş vermәyi sevmirәm, ancaq bu dәfә, deyәsәn,
onsuz keçinmәk olmayacaq... Qarşımdakı adam gülümsәyәndә
әtim tökülür. Bacardıqca gülün, qәhqәhә çәkin, ancaq
gülümsәmәyin. İndiyә qәdәr danışdıqlarımın hamısı yadınızdadırmı?
Bәlkә, nәyisә unutmuşsunuz, utanmayın, deyin. Bizdәn dә böyük
adamlar bәzәn nәyisә unudurlar. Qorxuram, hәr şeyi qısaca
xatırlatmalı olacağam.
Pinya adında dostum, Payya adlı arvadı vardı. Qızlarının da
adı Roza idi. Pinya öldü vә Payya dul qaldı. Mәn onun yaxın
dostu idim. Ürәyimә çox yatırdı, elә qadın da mәnә biganә
deyildi. Lakin bu barәdә kәlmә dә kәsmirdik. Gözәl illәrimiz
belәcә keçdi. Payyanın qızı Roza böyüdü vә ona vuruldum.
Şapiro soyadlı cavan bir oğlan peyda oldu. Yaxşı mühasib vә әla
şahmatçı idi, Roza onu sevdi. Bunu görüb Rozanın anası ilә
mübahisә etdik vә qәrara gәldim ki, ömrümün sonunadәk bir
daha onların evinә ayaq basmayım. Sözümün üstündә durmadım
vә ertәsi gün onlara gәldim, ailәnin әn yaxın adamı kimi
münasibәtlәr davam etmәyә başladı. Roza ilә Şapiroya toy
çaldırdıq. Qızın әri bacarıqlı oğlan idi, zavodu tәkbaşına idarә
edirdi, hәtta sahiblәrin әvәzinә veksellәrә imza da atırdı. Ancaq
zavodun әsl sahiblәri tezliklә müflislәşib Amerikaya qaçdılar,
Şapiro da borcun içindә batdı. Nәhayәt, dözmәyib intihar etdi vә

211