Page 210 - Sholom_Aleyhem_Макет 1

Şolom Aleyxem

etmәk istәmir, әmisi ilә zooparka getmәyi arzulayır! Feygele
deyir: “Orda elә meymunlar var ki, gülmәkdәn adamın qarnı
cırılır!..” İndi bacarırsınızsa, uşaqla zooparka gedib meymunlara
baxmaqdan imtina edin!
“Belә uşaq olar?” – birinci dul qadın deyinir. “Belә getsә,
korlanacaq!” – ikinci dul qadın deyilәnlәri tәsdiqlәyir.
Әmi isә dul qadınların narazılığına fikir vermir: uşağı qucağına
alıb zooparka, meymunlara baxmağa yollanır... Hәr dәfә ortaya
bir әngәl çıxır. Günlәr, hәftәlәr, illәr bir-birini әvәz edir, uşaq
böyüyür, artıq elә şeylәr var ki, onun yanında danışmaq olmaz vә
üçümüz öz aramızda belә razılığa gәlirik: gözlәmәk lazımdır,
qoy qız böyüsün, sonra baxarıq. Feygele yetkinlik yaşına çatanda,
özünә layiqli oğlan tapanda guya әl-qolumuz açılacaq, hәyatımızı
dәyişib yeni ailә qura bilәrik. Hәrә özlüyündә plan cızır ki,
hamımız birlikdә necә yaşayacağıq: cavan cütlük – Feygele әri
ilә, yaşlı cütlük – mәn vә Roza, dul nәnә – Payya isә başımızın
ağası olacaq... Bәh-bәh! Әcәb hәyatdır! Ancaq bir әmma var:
Feygelenin yetkinlik yaşına çatıb özünә nişanlı tapacağı günә
qәdәr necә gözlәyәsәn? Hәr kәs yüz il yaşamasa, günah onun
özündәdir! Adәtәn, belә deyirlәr! Nә isә, bu şablon deyimlәri
heç sevmirәm! Bәs siz bәyәnirsiniz? Lap yaxşı! Bәyәnin! Hә,
demәk, hәr kәs yüz il yaşamasa... Feygele böyüdü, özünә nişanlı
da tapdı – ancaq yenә әmma çıxdı! Bax burda sizin dediyiniz
“psixologiya” başlayır.
Nahaq saata boylanırsınız. Onsuz da, bu gün daha heç nә
danışmaq fikrim yoxdur. Vaxtdır: dul qadınlar nigaran qalar.
Üçüncü dul qadının әhvalatını eşitmәk istәyirsiniz? Bizә gәlsәniz,
dünya dağılmaz! Qapımız hәmişә açıqdır! Mәcbur etmirәm!
Könüllü gәlәcәksiniz... Salamat qalın!
İkinci dul qadın barәdә bu qәdәr.

210