Page 205 - Sholom_Aleyhem_Макет 1

Üç dul qadın

Belәliklә, qayıdaq dul qadına... Dayan-dayan, dul qadın
dedim? İki dul qadına! Axı Roza da duldur! Ha-ha-ha! Çox
qәmli, cansıxıcı әhvalatdır! Tәbiәtin bütün qanunlarına ziddir...
Acı qәhqәhәdәn başqa, әlim heç yerә çatmır! Roza – dul qadın!
İşә bir bax! Roza – dul! Amma mәsәlә tәkcә dul qalmaqla bitmir!
Roza hәm dә anadır! Rozanın övladı var! Şapironun ölümündәn
üç ay sonra dünyaya bir qız körpәsi gәldi. Ocağa yeni nәfәs,
cingiltili gülüş gәtirdi. Adını Feygele qoydular. Evdәkilәr başına
dolanırdılar, üstündә әsirdilәr, adı dillәrindәn düşmürdü, qucaq-
dan-qucağa gәzirdi – Feygele, Feygele, yenә dә Feygele! Dindar
olsaydım, sizin kimilәrin tәbirincә desәm, әlamәtlәrә inansaydım,
deyәrdim ki, Allah bizi ovundurmaq üçün çәkdiyimiz әzabların
müqabilindә bu mәsum körpәni pay göndәrib. Lakin bilirsiniz
ki, dinә inamım o qәdәr dә güclü deyil vә siz dә qatı dindara
oxşamırsınız... Nә dediniz? Mәni inandırmağa çalışırsınız ki,
dini etiqadınız qaydasındadır? Tәki olsun! Sizә heç bir iradım
yoxdur, özünüzü riyakar vә ikiüzlü adam hesab etmәsәniz,
kifayәtdir! Dindar yәhudi donuz әtini sevmәdiyi kimi, mәnim dә
riyakar vә ikiüzlü adamları görәn gözüm yoxdur! Dindar olun,
amma haqqı tapdalamayın! Әgәr dinә inanırsınızsa vә eyni
zamanda riyakar vә ikiüzlü adamsınızsa, yaxşı olar, mәndәn
uzaq durasınız! Nә etmәli, Tanrı mәni belә yaradıb!
Demәk... indi növbә kimindir? Feygelenin! O, dünyaya gәlәn
gündәn sanki hәr şey canlandı: hamı sevinirdi, evdәn tәbәssüm
әskik olmurdu, könüllәr nur saçırdı. Körpә ilә bәrabәr sanki biz
dә yenidәn doğulmuşduq. Uzun müddәtdir üzü gülmәyәn Rozanın
çöhrәsinә tәbәssüm qonmuşdu, әvvәlki kimi ürәkdәn qәhqәhә
çәkirdi, bәzәn ovqatımız tәlx olsa da, onun gülüşü bizә bütün
acıları unutdururdu.
Ağıllı gözlәri ilә hәr üçümüzün üzünә heyranlıqla baxan
balaca Feygele hәyatımızı belә dәyişdi. Körpә tәbәssümünü
görәn hәr iki dul qadın xoşbәxtlikdәn özlәrinә yer tapa bilmirdilәr.
Qapıda mәni elә hay-küylә qarşıladılar ki, hәtta qorxdum.
– İlahi! Bir dәqiqә tez gәlә bilmәzdiniz? – ikisi dә üstümә
düşdü.

205