Page 185 - Sholom_Aleyhem_Макет 1

Sözbəsöz
deyirәm: “Bilirsiniz nә var, möhtәrәm dayı, nә üçün bağırırsınız?
Hәr şeyi niyә ürәyinizә salırsınız? Yaxşısı budur, gedәk qәsәbәyә,
yaxındır, orada dünyagörmüş adamlar var, ravvin dә oradadır...
Gәlin ravvindәn soruşaq, necә desә, elә dә olsun”. Qonaq bunu
eşidib bir az yumşaldı... Nә isә, söhbәti uzatmağa ehtiyac yoxdur,
bir araba tutub qәsәbәyә, birbaş ravvinin yanına yollandıq.
Biz gәlәndә ravvin duanı yenicә bitirmişdi. “Salam!” “Salam!
Xeyir ola?” Bu vaxt qonaq irәli çıxıb әhvalatı әvvәldәn-axıradәk
hәyәcanla danışmağa başladı: bizim stansiyadan tәsadüfәn
keçirmiş, vağzalda yemәyә bir şey axtarırmış, ağlına da gәlmirmiş
ki, sünnәt mәrasimindә qonaq olacaq. “Birdәn bu adam (mәni
göstәrir) yaxınlaşır, ağlamsınaraq yalvarır ki, oğlunun sünnәt
mәrasimindә onuncu yәhudi olum, çünki Allah belә buyurub”.
Sonra qonaq çamadanı onun әlindәn qapdığımı, ailә tәntәnәsinә
necә gәldiyini vә dәrhal getmәk istәdiyini, onu şәnbә vә bazar
gününә saxladığımı, kәsmikli kökәlәrә qonaq etdiyimi danışdı.
Bir sözlә, hәr şeyi söylәdi vә yazdığım hesabı ravvinә göstәrdi.
Ravvin onu sonadәk böyük sәbir vә diqqәtlә dinlәdi, sonra mәnә
müraciәt etdi: “Demәli, bir tәrәfi dinlәdik, indi qarşı tәrәfi eşidәk.
Nә deyә bilәrsiniz?” “Әlavә etmәyә sözüm yoxdur, – cavab
verirәm, – bu adamın dediklәrinin hamısı doğrudur. Amma qoy o
vicdanla desin görәk, nә vaxt vә hansı gün varid olub, şәnbәni
harada bayram edib, balıq yeyibmi, şәrab, pivә, konyak vә albalı
arağı içibmi, arvadımın hazırladığı borşu vә kәsmikli kökәlәri
tәriflәyibmi?” Qonaq әvvәlkindәn daha çox hiddәtlәndi, әl-qol
atdı, dodaqları titrәdi, az qaldı, ürәyi getsin. Ravvin ondan xahiş
etdi ki, hәyәcanlanmasın vә әsәbilәşmәsin! Bir daha balıq, borş,
kökәlәr barәdә soruşdu, onun, hәqiqәtәn, şәrab, pivә, albalı arağı
vә konyak içib-içmәdiyini xәbәr aldı. Sonra ravvin çeşmәyini
taxıb hesabı bircә-bircә yoxladı, hәr şey qәpiyinә qәdәr düz
gәldi. Ravvin qәrarını elan etdi: qonaq hesaba әsasәn, mәnә otuz
rubl neçә qәpiksә vermәlidir, gedib-gәlmәk xәrcini vә ravvinin
haqqını hәr iki tәrәf yarıbayarı ödәmәlidir, qoy hәrә öz payına
düşәni versin.
Ravvinin yanından pörtmüş halda çıxan qonaq pul kisәsindәn
әlli rubl götürüb üzümә çırpdı: “Hesaba әsasәn, sizә çatacaq otuz

185