Page 181 - Sholom_Aleyhem_Макет 1

Sözbəsöz
qazanarsınız, hәm dә doyunca yeyәrsiniz”. “Ağlınız başınızdadır? –
әsәbilәşir. – Nә danışdığınızı bilirsiniz? İndicә qatar yola düşәcәk,
özü dә şәnbә әrәfәsi, mәn mühüm işlә bağlı gedirәm...” “Axı
burada çәtin nә var? – deyirәm. – Sonrakı qatarla gedәrsiniz.
Rәhmәt qazanarsınız, üstәlik, Allaha xoş gәlәn yemәklәrin –
әriştәli tәzә bulyonun dadına baxarsınız – Allah hamıya belә
müqәddәs yemәklәr qismәt etsin...”
Nә isә, çox uzatmayım, nәhayәt, onu razı sala bildim. Yәqin,
qovurma ilә әriştәli bulyon öz işini görmüşdü... Sәrnişin dodaqlarını
yalayırdı. Dәrhal çamadanı әlindәn aldım vә ikimiz dә evә
yollandıq... Sünnәt mәrasimi әla keçdi, Allah hamıya qismәt
elәsin!
Qovurmanın qoxusu adamı bihuş edirdi, çünki sarımsaq
qatılmışdı. Belә lәziz qovurma, üstәlik, tәzә piroq, duzlu xiyar,
bir şüşә pivә, yemәkdәn әvvәl bir az konyak, yemәkdәn sonra
bir stәkan albalı arağı – mәgәr bu nemәtlәrdәn imtina etmәk
olar? Qonaq yeyib-içdikcә alnını tәr basırdı! Bir vaxt ayıldıq ki,
gün keçib. Aman Allah! Qonaq ayağa qalxıb çamadanından
yapışdı. “Hara tәlәsirsiniz? – soruşuram. – Allah kömәyiniz
olsun!.. Birincisi, şәnbә әrәfәsindә sizi buradan buraxan kimdir?
İkincisi, – deyirәm, – mәncә, elә adamlardan deyilsiz ki, şәnbә
istirahәtini pozasınız. Şәnbәni yolda keçirmәkdәnsә, bizdә qalın”.
Dәrindәn ah çәkir: “Rәhm edin, mәni niyә yoldan saxladınız?
Sizә nә pisliyim keçib? Nә üçün bunu әvvәlcәdәn demәdiniz?”
Bir sözlә, mәni qınayır. Cavab verirәm: “Birincisi, şәnbәnin
gәlişi barәdә sizi xәbәrdar etmәk mәnim vәzifәm deyil, çünki
bunu özünüz dә bilirsiniz, ikincisi, bәlkә, taleyinizә yazılıb ki,
bayramı mәhz bizdә keçirәsiniz vә arvadımın bişirdiyi balığın
dadına baxasınız... Sizi inandırıram, arvadımın bişirdiyi balığı
heç yuxuda da görmәmisiniz...”
Artıq bilirdim ki, bu adamı necә yola gәtirmәk olar. Hәqiqәtәn,
axşam duasını oxuyub şәnbәnin gәlişinә xeyir-dua verdik, adama
bir qәdәh içdik, arvadım balığı masanın üstünә qoydu. Qonağın
burun pәrәlәri genişlәndi, gözlәri parıldadı vә uzun pәhrizdәn
sonra yemәk görәn adam kimi balığın üstünә cumdu, tәriflәyib

181