Page 180 - Sholom_Aleyhem_Макет 1

Şolom Aleyxem
Demәk belә! Mәlum mәsәlәdir ki, körpәyә sünnәt mәrasimi
tәşkil olunmalıdır. Hәlәlik iş-gücü atıb, nә gәrәkdirsә almaq,
sünnәt ustası vә sinaqoq xidmәtçisini dәvәt etmәk lazımdır...
Mәnim hesabıma görә, sünnәt ustasını vә sinaqoq xidmәtçisini
dә nәzәrә alsaq, mәrasim üçün lazımi sayda yәhudi toplaşacaq,
hәlә artıq da qalacaq. Deyir, sәn saydığını say... Bu mәqamda
kәnd sakinlәrindәn biri ağır xәstәlәnir, vәziyyәti ağır olduğundan
mәrasimә qatıla bilmir. Digәr yәhudi isә kimsәyә bir söz
söylәmәdәn valideynlәrinin vәfatının ildönümü münasibәtilә
tәcili şәhәrә gedir... Nә başınızı ağrıdım, sünnәt mәrasimini
keçirmәk üçün yәhudilәrin sayı kifayәt etmir! Bu tәrәfdәn dә,
şәnbә әrәfәsidir (görürsüz dә, arvadımın cümә günü oğlan
doğmaqdan xoşu gәlib), hәrәnin bir işi-gücü... Sinaqoq xidmәtçisi
göz yaşı töküb şikayәtlәnir: “Bizi bu qәdәr uzaq yerә niyә
gәtirmisiniz?..” Bәli, bәdbәxtlik mәni basıb! Birdәn ağlıma bir
ideya gәldi, dәrhal vağzala qaçdım: bәlkә, bir Allah bәndәsinә
rast gәldim, vağzaldır da, adamlar gedib-gәlir...
Tәsәvvür edin, vağzal qәlәbәlikdir – kuryer qatarı indicә
gәlib, bir neçә dәqiqәdәn sonra yola düşәcәk... Görürәm ki, boy-
buxunlu bir adam, qarnı da çıxıb, әlindә bahalı çamadan, istidәn
pörtüb birbaş bufetә yollanır!.. Ayaqüstü qәlyanaltı etmәk istәyir.
Amma bir yәhudi vağzalın haram mallar satılan bufetindә nә
tapa bilәr?.. Gözlәri yumurta axtarır, o da qәhәtә çıxıb! Adamın
yazığı gәlir!
Qolundan yapışıb deyirәm: “Dayıcan, yemәk istәyirsiniz?”
Sәrnişin gözlәnilmәz tәklifdәn diksinir: “Sizә kim dedi ki, yemәk
istәyirәm?” “Hörmәtli... Allah sizә yüz il ömür versin... Tanrı
özü sizi göndәrib!..” Zavallı gözlәrini döyüb mәnә baxır, heç nә
anlamır. “Rәhmәt qazanıb, üstәlik, qovurma yemәk istәyirsiniz?
Özü dә necә qovurma! Adamın ağzında әriyir, indicә tәndirdәn
çıxmış isti çörәklә!” Bәrәlmiş gözlәri ilә mәnә elә baxır ki, sanki
dәliyәm: “Kimsiniz, mәndәn nә istәyirsiz?” Başıma gәlәnlәri
danışıram: “Oğlum olub. Hәr şey var – sünnәt ustası, sinaqoq
xidmәtçisi, yaxşı yemәk. Amma sünnәt mәrasimi üçün onuncu
yәhudi çatışmır” “Bunun mәnә nә dәxli?” – sәrnişin soruşur.
“Belә dәxli var ki... Xahiş edirәm, onuncu olun, hәm rәhmәt

180