Page 178 - Sholom_Aleyhem_Макет 1

Şolom Aleyxem

Naxmen-Lokax danışanda “üçlük” özünә yer tapa bilmirdi...
Biri yerindәn atılır, digәri başını әllәri arasına alır vә ya ürәyini
tuturdu – yәni harada görünüb ki, adam bu qәdәr vicdansızcasına
yalan danışsın?..
Elә qәzәblәnmişdilәr ki, dördüncü şәrikin saqqalından yapışıb
didmәyә hazır idilәr. Dövlәt ravvini bunun qarşısını almaq üçün
çox әllәşdi. Bu ürәkbulandırıcı, dolaşıq mәsәlәni çözmәk heç dә
asan deyildi. Aydın idi ki, ravvinin qarşısındakı bu adamların
hamısı oğru, fırıldaqçı, hәlә üstәlik, donosçudur... Hamısı da
cәzaya layiqdir.
Çıxış yolunu necә tapmalı? Pisi vә yaxşını tәrәzinin gözünә
qoyandan sonra deyirәm:
– Әziz dostlar, qulaq asın! Mübahisәnizlә bağlı qәrar hazırdır!
Amma bir mәsәlә var: hәrәniz iyirmi beş rubl girov qoymayana
qәdәr qәrarı elan etmәyәcәyәm!
– Razıyıq, buyurun! – üçlük vә Naxmen-Lokax cavab verdilәr.
Dördü dә әlini cibinә salıb iyirmibeşlik çıxartdı vә stolun üstünә
qoydu. Mәn pulları götürdüm, stolun yeşiyinә qoyub bağladım.
Yalnız bundan sonra qәrarımı elan etdim:
– Hәr iki tәrәfin iddiasını diqqәtlә dinlәyib birgә fәaliyyәtinizi
dәrindәn araşdırdım. Düşüncәmә vә dәrin inamıma görә, dördünüz
dә haqsızsınız! Adamların öz işini belә yaramazcasına görmәsi,
saxta hesablar tәqdim etmәsi, yalandan and içmәsi vә hәtta bir-
birindәn xәbәrçilik etmәsi biabırçılıqdır! Şәhәrdә yoxsul, cır-
cındır içindә gәzәn ac-yalavac uşaqların tәhsil haqqının kimsә
tәrәfindәn ödәnilmәmәsini isә ikiqat utancverici bir hal hesab
edirәm! Çünki sizin kimi adamlardan ianә üçün mis quruş alanda
qәlbiniz qaralır, var-dövlәtinizdәn yetim-yesirә bir qәpik dә
qıymırsınız. Ona görә dә girov qoyduğunuz yüz rublun xalq
mәktәbinә verilmәsini ağıllı vә әdalәtli qәrar hesab edirәm!
Gedin evinizә, şәn vә firavan ömür sürün, bu şәrәfli ianәyә görә
sağ olun! Bu pulla yoxsul uşaqlara әyin-baş alacaqlar, onlar da
sizә vә balalarınıza dua oxuyacaqlar! Amin!
Üçlük hökmü dinlәyib bir-birinә baxdı. Onları tәr basmışdı,
demәyә söz tapmırdılar. Görünür, qәrarın belә olacağını gözlә -

178