Page 176 - Sholom_Aleyhem_Макет 1

Şolom Aleyxem

yerini dә göstәrә bilәrәm – Poltava quberniyasındadır. İstәdim,
digәr dövlәt ravvinlәrindәn daha üstün olduğumu sübut edim vә
qәrara gәldim: “Rәdd olsun mәmurluq!” İctimai işlәr, icmanın
qayğıları, yoxsul ailәlәrdәn olan uşaqların tәhsil aldığı mәktәblәr,
әhaliyә ssuda verilmәsi, arbitraj işlәri ilә mәşğul olmağa başladım,
qapıma gәlәnlәrә dәyәrli mәslәhәtlәr verdim.
Mәişәt zәminindә baş verәn münaqişәlәri yoluna qoymaq,
adamları yola gәtirmәk mәnә atamdan vә babamdan keçib...
Rәhmәtliklәr mәslәhәtә gәlmiş adamın başını dәng elәyir vә
bundan zövq alırdılar.
Yer üzündә yaşayan insanlar müxtәlifdir. Elәsi var ki, dәridәn-
qabıqdan çıxsan da, aldada bilmәzsәn, imkan vermәz. Әksinә,
adam da var boynuna min, cınqırını çıxarmaz! Gәrәk belәsinә
qarış-qarış yaxınlaşasan: әvvәlcә qucağında oturursan, dinmәdiyini
görәndә başına minirsәn...
Bax mәn belә dövlәt ravvinlәrindәn idim. İşimi ürәkdәn se-
virdim, xeyirxah әmәllәrimlә öyünürdüm, çoxlu vәtәnpәrvәrlәr,
qızğın pәrәstişkarlarım vardı, çәkinmәdәn hәr gün yanıma gәlir,
istәdiklәri vaxt qapımı döyürdülәr, bәzәn gecә yarıdan keçәnә
qәdәr söhbәtlәşirdik. Sәxavәtimi әsirgәmirdim – onlar da heç
vaxt bir stәkan çaydan, papirosdan imtina etmirdilәr, qәzet vә
kitablardan әtraflı danışıb fikir mübadilәsi aparırdıq... Bir sözlә,
daim әn yaxın adamlarımın әhatәsindә olurdum!..
Bir dәfә qәfildәn qapı açılır vә cәmiyyәtin әn hörmәtli,
sayılıb-seçilәn dörd mәşhur taciri, şәhәrin, demәk olar ki, әn
varlı adamları tәşrif buyurur. “Sabahınız xeyir, ravvin!” Üçünü
çox yaxşı tanıyıram, adamlar onları “üçlük” adlandırırlar, çünki
daim nisyә alver edir, hәmişә mübahisәyә girişir, bir-birindәn
şübhәlәnir, biri digәrinin paxıllığını çәkir. Amma bir prinsipi
rәhbәr tutub yollarını ayırmırlar: “Müştәrәk iş qazanc gәtirirsә,
nә üçün bәhrәlәnmәyim? Әgәr quyunun dibinә düşsәm, sәni dә
dartıb özümlә aparacağam!..”
Görün qadir Allah nә fikirlәşibsә, bu üç nәfәrә dördüncüsünü
dә qoşub. Şәrikliklәri tәxminәn bir ilә yaxın davam edib, sonra
aralarında narazılıq başlayıb. “Allah oğurluğu, fırıldağı vә

176