Page 177 - Sholom_Aleyhem_Макет 1

Sözbəsöz

quldurluğu günah sayır, lakin Tanrı hәlә yer üzündә belә oğru,
fırıldaqçı vә başkәsәnә rast gәlmәyib” – üç şәrik dördüncü
haqqında belә deyir. O da eyni sözlәri şәriklәri barәdә söylәyir:
“Allah oğurluğu, fırıldaqçılığı vә quldurluğu günah sayır, lakin
Tanrı hәlә yer üzündә belә oğrulara, fırıldaqçılara vә başkәsәnlәrә
rast gәlmәyib”. Bәs bu dördüncü şәrik kimdir?
Sakit, fağır, üzüyola adam tәsiri bağışlayırdı, gülәrüz çöhrәsi
vardı, qara, qalın qaşlarının altından baxan gözlәrindәn hiylәgәrlik
yağırdı. Ona Naxmen-Lokax deyirdilәr, әsl adı isә Naxmen-
Nosn idi, amma Naxmen-Lokax çağırırdılar, çünki Lokax “alır”
mәnası verir, Nosn isә “verir” demәkdir. Naxmen-Nosn ömründә
nәsә vermәyib, ancaq alıb... Vә bu Naxmen-Nosn yeri gәldi-
gәlmәdi, cümlәsinin әvvәlindә, sonunda iki söz işlәdir: “ona
görә ki…”
Nә isә, dörd şәrik gәlib dövlәt ravvinindәn xahiş edir ki,
aralarındakı mübahisәni ayırd elәsin. Bәlkә, ravvin bu dolaşıq
işdәn baş çıxartdı vә tәrәflәri barışdırdı? “Hörmәtli ravvin, nә
desәniz, necә qәrar versәniz, sözünüz bizim üçün qanundur...”
Üç şәrik belә dedi, dördüncüsü isә yazıq görkәm alıb deyilәnlәri
tәsdiq etdi: guya mәnә hәdsiz inanır, bilir ki, heç bir günahı
yoxdur...
Küncdә oturub arvad kimi qollarını sinәsindә çarpazladı,
qalın qaşlarını çatdı, hiylәgәrcәsinә gülümsünüb şәriklәrinin nә
deyәcәyini gözlәdi...
Şәriklәri iddianı sәslәndirәndәn sonra qalxıb әlini qalın
qaşlarına çәkdi, rәqiblәrinә tәrәf baxmadı, gülümsәyәn gözlәrini
mәnә dikib ona qarşı sürülәn bütün iddiaları ustalıqla darmadağın
etdi. Sözündәn belә çıxdı ki, fırıldaqçı, oğru vә hiylәgәr elә onun
şәriklәridir, özü, yәni Naxmen-Lokax isә namuslu vә әdalәtli
adamdır, ona qarşı qurulmuş hiylәgәr oyunun günahsız qurbanıdır,
vәssalam! “Hörmәtli dövlәt ravvini, burada deyilәnlәr ağ yalan,
başdan-ayağa böhtandır, heç nәdәn xәbәrim yoxdur...” Vә minlәrlә
sübut gәtirib bildirdi ki, haqlıdır, ümumiyyәtlә, müqәddәs
adamdır...

177