Page 182 - Sholom_Aleyhem_Макет 1

Şolom Aleyxem

göylәrә qaldırdı, balıqdan әvvәl vә sonra bir qәdәhdәn imtina
etmәdi...
Nәhayәt, masaya әriştәli şәnbә bulyonu verildi, yemәk çox
xoşuna gәldi, sousu, içindәki bir parça döş әtini ağızdolusu
tәriflәdi – barmaqlarını yalayırdı!
“Bilirsiniz, – deyir, – nә demәk istәyirәm? Madam belә bir
hadisә olub, şadam ki, şәnbәni sizdә qalmışam, çoxdan idi
şәnbәdәn bu qәdәr lәzzәt almamışdım”. “Çox şadam, – deyirәm, –
amma sәbriniz olsun, sabah başqa şeylәr görәcәksiniz, çünki
ertәsi gün şәnbәdir, evin xanımı da yemәk bişirmәyin mahir
ustasıdır...”
Şәnbә günü duadan vә qәdәh-qәdәhә vurandan sonra masaya
әvvәlcә soyuq qәlyanaltılar gәldi: peçenye, doğranmış siyәnәk
balığı, qaz piyindә qızardılmış soğan, yanında da turp, doğranmış
yumurta, cızdaq olunmuş qaraciyәr, soyuq balıq, döş әti vә
sarımsaqlı donmuş xaş. Sonra sobadan pörtülmüş әtlә kartofu
çıxartdılar. Qonağın ağzı açıla qalmışdı. “Bunlar, – deyirәm, –
boş şeydir. Şәnbә borşunun dadına baxsanız, bilәrsiniz ki, әsl
xörәk nә demәkdir”. Qonaq gülür: “Sizin mәşhur borşunuz
bişәnәcәn mәn, Allah bilir, harada olacağam!..” Qәhqәhә çәkirәm:
“Әziz dost, әgәr gecә getmәk istәyirsizsә, bunu başınızdan
çıxarın, çünki deyirlәr ki, şәnbә günü yola çıxan bütün hәftәni
evdә oturmalı olar”.
Şam yemәyindәn vә nәğmә oxuyandan sonra şamları yandırdıq,
qonaq isә şeylәrini yığışdırıb yola çıxmağa hazırlaşdı. “Ağlınız
çaşıb, nәdir? Birincisi, gecәnin bu vaxtı sizi buraxan kimdir?
İkincisi, – deyirәm, – bu saatda qatar nә gәzir?” “Rәhminiz
gәlsin, – deyir, – fikriniz mәni öldürmәkdir?” Kefimi pozmadan
bildirirәm: “Yaxşı ki, qatar gedib. Sәhәr tezdәn başqası olacaq.
İştahanızı saxlayın, indi borş gәlәcәk! Heç belә borş yemisiniz?
Amma düzünü deyin!” Nә isә, zavallı boynuna aldı ki, ömründә
belә borşu ilk dәfә yeyir! Hәm dә maraqlandı ki, onu necә
bişirirlәr, nә üçün belә adlanır vә sair... Soruşuram: “Niyә

182