Page 183 - Sholom_Aleyhem_Макет 1

Sözbəsöz

maraqlanırsınız? Yaxşısı budur, bir bu şәrabın da dadına baxıb
rәyinizi bildirin, açığı, komplimentdәn o qәdәr dә xoşum gәlmir!..”
Bir stәkan vurduq, sonra birini dә gillәdib yatmağa getdik.
Ürәyinizi buz kimi saxlayın, qonaq yuxuya qalıb sәhәr qatarına
çatmadı vә qanı qaraldı, üstümә düşdü ki, onu oyatmalı idim,
mәnim ucbatımdan böyük zәrәrә düşәcәk...
Bir sözlә, bu bәdbәxtin başına çox bәlalar gәtirdim. Onu
sakitcә dinlәyib deyirәm: “Qәribә adamsınız. Mәnasız yerә niyә
әsәbilәşirsiniz? Ömür qısadır axı! Bu, birincisi. İkincisi, unut-
musunuz ki, bu gün sünnәtdәn üç gün keçir, sizcә, bu, boş
şeydir? Bizdә belә adәt var: sünnәtdәn üç gün sonra tәmtәraqlı
qonaqlıq verilir! Әnәnәni poza bilmәzsiniz!”
Qonaq özünü saxlaya bilmәyib ucadan güldü: “Sizin kimi
qır-saqqız olub yapışan adam görmәmişәm!” “Necә istәyirsinizsә, –
deyirәm, – elә dә düşünün! Tәki masanın arxasında qonaq olsun!”
Yemәk vaxtı qәdәhi әlimә alıb deyirәm: “Әziz qonaq, bәlkә
dә, südlü yemәklәrdәn danışmağa ehtiyac yoxdur, çünki hazırda
әt yemәklә mәşğuluq, amma, hәr halda, kәsmikli kökә barәdә
fikrinizi eşitmәk istәrdim”. Qonaq gözlәrini mәnә dikir, bununla
nә demәk istәdiyimi başa düşmür. “Çünki, – deyirәm, – bu gün
şam yemәyindә bizim südlü, kәsmikli kökәlәri dada bilәcәksiniz”.
Qonaq özündәn çıxır: “Görürәm, mәni daha bir sutka saxlamaq
istәyirsiniz. Heç sizdәn gözlәmәzdim...” Әsәbilәşmәyinin sәbәbini
başa düşürәm. Amma bilirәm ki, onu çox dilә tutmağa lüzum
yoxdur, çünki iştahası pis deyil, bu adam yemәyi dünyalar qәdәr
sevir...
Ona deyirәm: “Sizә vicdanım qarşısında söz verirәm, bu da
mәnim әlim, sabah sizi sübh vaxtı oyadacağam ki, sәhәr qatarına
çatasınız. Dünya dağılsa da, sizi inandırıram, vaxtında gedәcәksiniz”.
Bu sözlәri eşidәn qonaq bir az yumşaldı. “Vicdanınız qarşısında
verdiyiniz sözü unutmayın! – mәnә müraciәt edir. – Bu boyda
zarafat olmaz!” Sizә necә deyim, bizim arvad elә südlü şam
yemәyi hazırladı ki, qonaq mәәttәl qaldı: onun arvadı da kәsmikli
kökә hazırlamaqda peşәkardır, amma bizim xanıma çata bilmәz,
aralarında göylә yer qәdәr fәrq var!

183