Page 166 - Sholom_Aleyhem_Макет 1

Şolom Aleyxem

Sonrasını da danışım? Konsiliumdan bәhs etmәk mәnasızdır.
Qaynımı zindandan qurtarmaq lazımdır, bu vurhavurda konsilium
yada düşәr? Nәdәn xilas etmәk? Yatabdan? Allah elәmәsin!
Amma bütün sәylәr nәticәsiz qaldı. O, yatabla quzu kimi gedirdi.
Görüm bu gediş Purişkeviçә qismәt olsun! Zavallı qaynımın
Konelaya gәlişini çox gözlәdik, gözümüz yoldan çәkilmirdi.
Yatabla gәlәndәn sonra başına yeni bәla gәldi: özgә pasportu,
özgә soyadı! Daha heç nә soruşmayın! Çox әllәşmәli oldum.
Mәsәlәni yoluna qoymaq mәnә elә bir mәblәğә başa gәldi ki, bu
qәdәr pulu heç üç aya da qazanmaq mümkün deyil. Bundan
başqa, indiyә kimi arvad-uşağına mәn baxıram. Çığır-bağır salır
ki, evini mәn yıxmışam, onu bәdbәxt elәmişәm! Mәnim ucbatımdan
şәhәrdә yaşamaq hüququnu vә Brodskinin yanındakı işini itirib!
Bәlkә dә, haqlıdır. Әn әsası isә, ha-ha-ha, bu deyil. Әsas mәsәlә
qurduğum kombinasiyadır! Başa düşürsünüz? Bunun nә demәk
olduğunu anlayırsınız? Tәngnәfәslik, öskürәk, hәlә üstәlik, vәrәm –
hamısı Purişkeviçә qismәt olsun! Özümün şәhәrdә yaşamaq
hüququm yoxdur, amma qaynımın pasportu ilә Yequpetsә gedib-
gәlirәm, Malo-Vasilkovskayada, keçmiş polis idarәsinin yaxınlığında
qalıram! Qurduğum oyundan yerlә göy qәdәr razıyam! Kef
edirәm!

166