Page 153 - Sholom_Aleyhem_Макет 1

Məsləhət

Qayınatam haqqında, yәqin, bәzi şeylәr eşitmiş olarsınız.
Amma adını demәyәcәyәm. Tanınmış adamdır, yaxşı düşmәz.
Öz aramızda qalsın, ancaq adının orda-burda hallanmasından
xoşu gәlir, qürrәlәnir. Mәsәlәn, Bobruysk yanğınından әziyyәt
çәkәnlәrә hamıdan çox ianә verdi. Kişinyov şәhәri üçün dә xeyli
pul ayırdı. Bizim qәsәbәnin camaatına isә nәsә vermәyә әli
gәlmir. Axmaq deyil, yaxşı bilir ki, onsuz da, qәsәbәdә böyük
hörmәt sahibidir. Burada ianә vermәyin, özünü kimәsә göstәrmәyin
nә mәnası? Bax elә buna görә dә qәsәbә camaatına üz göstәrmir.
Hәlә onu tanımayan, nәcibliyinә bәlәd olmayanlara isә sәxavәtini
әsirgәmir. Amma xahişә vә ya yardım istәmәyә gәlәnlәri görәndә
sifәti ölü rәngi alır. Adamların üstünә bağırır: “Hә, nәdir? Yenә
mәni soymağa gәlmisiniz? Alın, bax, bu, açarlar! Gedin, dolabları
yoxlayın! Nә tapsanız, aparın!..” Elә bilirsiniz, doğrudan, açarları
verir? Sәhviniz var! Şkafın açarları masanın bağlı yeşiyindәdir.
Yeşiyin açarını isә yaxşıca gizlәdib... Qayınatam belә adamdır.
Özü necәdirsә, adı-sanı da elәdir! Aramızda qalsın, qәsәbәdә
onu donuz adlandırırlar. Әlbәttә, üzünә demirlәr, görәndә
yaltaqlanırlar. Kәnardan baxanda adamın ürәyi bulanır. O isә
qürrәlәnir, hәr sözü sәmimi qәbul edir. Qarnını qabağa verib
gәzir, yaxşı güzәran keçirir, hәyatdan kam alır! Sual doğur: adam
әlini ağdan-qaraya vurmur, bolluq içindә yaşayır, lәziz yemәklәrdәn
dadır, rahat yatır. Daha nә lazımdır? Yuxusunu alandan sonra
tapşırır ki, faytonu qoşsunlar, palçıqlı küçәlәrlә gәzmәyә çıxır.
Axşamçağı qonaqlar toplaşır. Hamısı şәhәrin sahibkarlarıdır.
Dedi-qodu başlanır. Boş şeylәrdәn dәm vururlar. Kasıbları, hәtta
bütün dünyanı әlә salırlar. Xidmәtçi Zasim böyük samovarı
qaynadır. Qayınatam isә qәssab Şmuyel-Abe ilә domino oynayır.
Qәssab Şmuyel-Abe gözlük taxır, belәsi indi dәbdәdir. Ağ
yaxalıqda, tәmiz uzunboğaz çәkmәlәrdә gәzir, qızlarla mazaqlaşmağı
xoşlayır, qәzet oxuyur, yaxşı şahmat, domino oynayır. Domino?
Qayınatamla bütün gecәni oynaya bilәr. Sәn dә oturub azarkeşlik
elәmәlisәn! Әsnәmәkdәn zinhara gәlirsәn. Masadan uzaqlaşmaq,
yataq otağına çәkilmәk, yaxud әlinә kitab almaq istәsәn, vay

153