Page 148 - Sholom_Aleyhem_Макет 1

Şolom Aleyxem

Hardan bilir ki, oğlum hәkim olmaq istәyir? Bәlkә, qismәtindә
qubernator kürsüsü var, hә? Evә gәlib bütün bunları Davidimә
söylәdim. Utandığından qızardı: “Ana, daha onun yanına getmә,
görәndә dә heç nә söylәmә”. Deyirәm: “Cәhәnnәm olsun, bundan
sonra onu adam yerinә qoymayacağam, mәncә, bu hәkimin ağlı
çaşıb. Nәyә görә başını hәr yerә soxub soruşur ki, xәstә harda
işlәyir, necә dolanır, nә qәdәr qazanır? Nәyinә lazımdır? Sәnә
yarım rubl verirlәr, get reseptini yaz, vәssalam!”
Söhbәt nәdәn gedirdi? Hә, qayğıdan... Bәs necә? Qayğı
qurtaran deyil! Әgәr әlindә hәmişә yumurta dolu zәnbil varsa,
bazara satmaq üçün qaz, toyuq vә ördәk daşıyırsansa, demәli,
qayğın çoxdur. Bir yandan da daimi müştәrilәrim – iki varlı
xanım öz aralarında bәhsә girib çalışırlar ki, sәndәn mәhsulun әn
yaxşısını, tәzәsini alsınlar! Özünüz görürsünüz dә! Şorbaya vaxt
qalmır, çünki evdә tapılmıram. Ona görә dә tezdәn oyanıram,
sobanı yandırıb bazara qaçıram, imkan tapan kimi evә dönüb
toyuğun dörddәbirini isladıb duzlayıram, yenә bazara qaçıram.
Birazdan qayıdıb suya duz atıram, güvәci sobaya qoyuram.
Qonşudan, yәni Qnesyadan xahiş edirәm ki, güvәcdә gözü olsun:
qaynayan kimi qapağını örtsün ki, yemәk soyumasın, qazanı isti
yerә qoysun. Burda çәtin nә var ki? Dәfәlәrlә onun ailәsi üçün
şam yemәyi hazırlamışam! Axı biz insanıq, heyvan deyilik,
meşәdә yox, adam arasında yaşayırıq! Axşam evә qayıdan kimi
sobanı yandırıb yemәyi qızdırıram, oğluma isti şorba verirәm.
Elә bilirsiniz qayğılar bununla bitir? Әsla! Qonşumun... adam
demәyә dә xәcalәt çәkir... nә işlә mәşğul olduğunu söylәmәyә
utanıram... Bu gün sәhәr Qnesyanın birdәn ağlına gәlib ki,
uşaqlarına südlü balabuşka bişirsin. Eh, südlü balabuşkadan nә
çıxar? Axı bu gün şәnbә yox, çәrşәnbәdir, heç balabuşkanın
yeridir? Başa düşә bilmirәm! Bu unsatan Qnesya qәribә adamdır!
Süfrәsi ya dolu olur, ya da yemәyә heç nә tapmır. Bir dә görürsәn,
üç gün sobaya yaxın gәlmir, sonra birdәn elә qızışır ki, qazanı
aşıb-daşır. Başa düşmәk olmur ki, nә bişirir: buğda xәşili, yoxsa
sıyıq? Hәrdәn bir güvәc kartof tәmizlәyir, guya balığı da var,
әslindә isә, soğandan başqa әlinin altında heç nә yoxdur, soğanın

148