Page 146 - Sholom_Aleyhem_Макет 1

Şolom Aleyxem

övladımın şad gününü görә bildim, balamın on üç yaşı tamam
oldu, hәddi-büluğa çatdı. Elә bilmәyin ki, bununla hәr şey bitdi.
Qulaq asın, danışım.
Bir qış axşamı oğlum mәktәbdәn qayıdanda görür ki, ağ
kәfәnә bürünmüş kabus әllәrini yellәdәrәk küçә boyunca qaçır.
Yazıq uşaq qorxmasın, neylәsin? Yerindә donub-qalır, huşunu
itirib qarın üstünә yıxılır. Kim bilir, orada nә qәdәr qalır, nәhayәt,
tapıb evә gәtirirlәr. Uzun müddәt xәstә yatdı, anası ölmüş, düz
altı hәftә qızdırdı, sayıqladı! Möcüzәdir, vallah, bütün bu әzablara
necә tab gәtirdim – bilmirәm. Әlimdәn gәlәni elәdim: sinaqoqda
dua etdim, adının üstünә bir ad da (Xaim-David-Girş) qoydum
ki, çox yaşasın, Әzrail onu tanımasın. Göz yaşım qurumurdu –
hey ağlayırdım. Rәhmli Allaha dua edib deyirdim: “Mәni
cәzalandır, amma oğlumu әlimdәn alma”. Allah dualarımı eşitdi,
uşaq sağalmağa başladı.
Bir gün mәnә deyir: “Ana, atamdan sәnә salam gәtirmişәm,
onu gördüm, yanıma gәlmişdi”. Bunu eşidәndә içimdә nәsә
qırıldı, ürәyim әsdi... “Qoy atan oralarda dolaşsın. Bu, o demәkdir
ki, çox yaşayacaqsan”, – deyirәm, ürәyim isә sürәtlә döyünür...
Sonra bildim ki, ağ kәfәnә bürünüb әllәrini oynadan kabus kim
imiş. Başıbatmış Line, bizim sudaşıyan Lineni deyirәm. Özünә
kürk alıb, tәrslikdәn dә, rәngi ağ, şaxtalı havada qızışmaq üçün
әllәrini yellәdә-yellәdә qaçırmış lәnәtә gәlmiş! Harada görünüb
ki, qışda ağ kürk geyinәsәn?
Söhbәt nәdәn gedirdi? Hә, cansağlığından... Bәli, cansağlığı –
başlıca mәsәlәdir! Bizim hәkim dә belә hesab edir vә tapşırır ki,
uşağa qulluq göstәrim. Deyir, hәr gün bir toyuğun, heç olmasa,
dörddәbirindәn ona şorba bişirin, әgәr imkanınız varsa, süd
içirdin, şokolad verin. “Әgәr imkanınız varsa” nә demәkdir?
Mәgәr Davidimdәn nәyisә әsirgәyә bilәrәm? İmkanın bura nә
dәxli? Mәsәlәn, desәlәr ki, “Yenta, get yer qaz, odun yar, su daşı,
palçıq tut”, – Davidimin xәtrinә, gecә dә çağırsalar, dәhşәtli
şaxta olsa da, boyun qaçırmaram. Mәsәlәn, uşaq bu yay hansısa
kitabları oxumaq istәyirdi – bilirsiniz ki, mәn varlıların evlәrinә
gedib tәmizlik işlәri görürәm – xahiş edir ki, bu kitabları tapıb

146