Page 144 - Sholom_Aleyhem_Макет 1

Şolom Aleyxem

ki, necә deyәrlәr, adını çәk, üzünü görmә. Adı Oyzerdir. Tanımamış
olmazsınız, sinaqoqda xidmәtçidir, görünür, mömin adamdır,
ağlı da yerindә. Amma Qnesya onun başına olmazın oyunlar
açır! “Oyzer, ora! Oyzer, bura! Oyzer, qaç! Oyzer, tut!” Kişinin
vecinә deyil! Hәrdәn canını zarafatla qurtarır (yaman zarafatcıldır!),
ancaq hәmişә qul kimi әmrә müntәzirdir. Xoşbәxtlikdәn, xasiyyәti
hәlimdir.
Söhbәt nәdәn gedirdi? Hә, kirayәnişinlәrdәn, pis qonşulardan...
Bunlardan betәrini tapmazsan! Allah göstәrmәsin, Qnesyaya pis
deyә bilmәrәm, insaflı qadındır, dilәnçiyә sәdәqә, yoxsula bir
parça çörәk verәr. Amma ayağını tapdaladınsa – üzünü görmә!
Rüsvayçılıq, biabırçılıq baş alıb gedir! Xәbәrçilik olmasın, amma
sizә deyәrәm, heç kәs bilmәsin... әrini o söz, әzişdirir... hә-hә...
hamıdan gizlin... “Ah, Qnesya, Qnesya, – deyirәm, – axı ayıbdır,
Allahdan qorxun!” Cavab verir: “Sizә nә? Burnunuzu hәr yerә
soxmayın!” Deyirәm: “Yaxşı, mәnә nә? Özünüz bilәrsiniz!”
Üstәlik, acıqla deyinir dә: “Burnunu özgә güvәcinә soxanın
başından dәrd-bәla әskik olmasın!” Cavab verirәm: “Qapı
deşiyindәn baxan kor olsun!” Hirslә bildirir: “Başqasının söhbәtinә
qulaq şәklәyәn kar olsun!” Vicdansız qadın!
Söhbәt nәdәn gedirdi? Hә, tәmizlikdәn, sәliqә-sahmandan...
Etiraf edirәm, tәmizlik xәstәsiyәm, evdә gәrәk bir toz dәnәciyi
dә olmasın. Bunun nәyi pisdir? Qnesya isә, deyәsәn, evimin
sәliqә-sahmanına, tәmizliyinә, rahatlığına, döşәmәnin parıltısına
dözә bilmir... Öz evinә baxın! Pintilik ayaq tutub yeriyir, zibil
boğaza çıxır, çirkab vedrәsi ağzına qәdәr doludur! Tfu! Sәhәr
tezdәn, gözlәrini açar-açmaz evindә qiyamәt qopur. Bunlar da
uşaqdır? Yox, şeytan balalarıdır! Heç onları mәnim oğlumla,
şirin-şәkәr Davidimlә müqayisә etmәk olar? Davidim, Allah onu
mәnә çox görmәsin, bütün günü ruhani mәktәbindә olur, axşam
evә gәlәn kimi dә işsiz dayanmır: ya dua oxuyur, ya da kitab
vәrәqlәyir. Bәs Qnesyanın uşaqları? İlahi, keç günahımdan, gah
yeyir, gah qusur, boğuşur, küçәdә boş-boşuna veyillәnirlәr.
Özünüz deyin, Allah ona bir sürü dәcәl, mәnә isә ağıllı bir övlad
qismәt edibsә, bunun günahı mәndәdir? Gül kimi balam var,

144