Page 143 - Sholom_Aleyhem_Макет 1

Güvəc

illәr tәmir olunmayıb. Yeznәm Azriel yapışıb yaxamdan ki: “Gәl
damı tәzәlәyәk, vәssalam!” “Yaxşı, razıyam.” “Gәl, әmәlli-başlı
örtәk”, – deyir. “Örtәk”, – cavab verirәm. Ora-bura, danışıb
razılaşdıq, axı dam samandandır. Taxtanın adını da çәkmirәm,
amma bilirәm ki, taxta çox vacibdir. Nә isә, tәmir üçün bir az pul
yığmaq mәcburiyyәtindә qaldım, ona görә dә iki otağı kirayә
vermәli oldum. Birindә kar Xaim yaşayır, çox qocadır, әl-ayağı
әsir, ağlını itirib. Övladları mәnә hәftәdә beş üçşahılıq verir,
qoca isә yemәyә günaşırı onlara gedir, amma hәmişә gözü acdır.
Hәr dәfә mәni görәndә aclıqdan şikayәtlәnir. Bәlkә dә, bilәrәkdәn
deyir, axı qoca adamların işi-peşәsi deyinmәkdir! Dünyanı ona
yedirt, başına tac qoy, yenә deyәcәk ki, azdır!
Söhbәt nәdәn gedirdi? Hә, qonşulardan... Allah göstәrmәsin!
Kardan danışmağa dәymәz, ondan qışda buz almaq mümkün
deyil, sakit kirayәnişindir, cınqırı çıxmaz! Amma kәlәkbazın
biridir, mәni dilә tutdu ki, otağı unsatan Qnesyaya verim. Hә,
demәli, bu qadın un alverçisidir. Zәhlәtökәnin yekәsidir! Әvvәllәr
mum idi, adam kimi dil bilirdi, indi isә hey mızıldanıb yaltaqlanır:
“Canım, mәstanım, әzizim, sizin üçün onu elәyәrәm, bunu
elәyәrәm, dağları yararam…” Guya heç nәyә ehtiyacı yoxdur,
tәki sobanın yanında kiçik bir masa, azacıq da odun olsun!
Hәftәdә bir dәfә әt bişirsin, yarım ildә bir dәfә dә xәmir yoğursun...
Deyirәm: “Bәs uşaqlarınız necә olacaq? Qnesya, axı bir sürü
övladınız var?” “Narahat olmayın, Yentoçka, әzizim! – deyir. –
Uşaqlarımı yaxşı tanımırsınız. Gül kimi balalardır! Yayda bütün
günü hәyәtdә oynayırlar, qışda isә pişik balası kimi sobanın
üstünә dırmaşırlar. Yalnız bir çatışmayan cәhәtlәri var: yemәk
üçün dәli-divanәdirlәr, qarın otarmaqda bu tifillәrә çatan olmaz!”
Nә deyim, görünür, zillәt çәkmәk alnıma yazılıb. Uşaqları
dәcәllik edib elә sәs-küy salırdılar ki, dәhşәtә gәlirdim. Gecә-
gündüz, fәrqi yoxdur, çığırır, ciyildәyir, söyüşür, dalaşırlar – elә
bil cәhәnnәmә düşmüsәn. Bәlkә dә, cәhәnnәm bundan yaxşıdır.
Bu, hәlә harasıdır? Dәcәllәri birtәhәr sakitlәşdirmәk mümkündür.
Döymәk, söymәk, şapalaq vurub yerindә otuzdurmaq olar, çünki
uşaqdırlar, qanmırlar... Amma Allah bu qadına bir әr qismәt edib

143