Page 149 - Sholom_Aleyhem_Макет 1

Güvəc

iyi alәmi bürüyür, xörәyә o qәdәr istiot tökür ki, uşaqların
gözündәn gilә-gilә yaş axır.
Söhbәt nәdәn gedirdi? Hә, işin tәrs gәtirmәyindәn... Demәli,
qonşum qarabaşaq unundan balabuşka hazırlamaq fikrinә düşür,
qaynatmaq üçün bir bardaq südü sobaya qoyur. Uşaqlar hәmişәki
kimi dәcәllik edir, çığırıb-bağırırlar, adamın qulağı tutulur!
Bardaqdakı mayenin adı süddür, vur-tut iki qaşıq olar, ya olmaz –
qalanı sudur. Bu vaxt әri – sinaqoq xidmәtçisi peyda olur.
Görünür, uzaqdan yemәyin qoxusunu hiss edib, zarafatından
qalmır: “Bayramınız mübarәk”. Qadın cavab verir: “Ay iblis,
hansı bayram? Nә tez özünü çatdırdın?” “Qorxdum, – deyir, –
bayram süfrәsinә gecikim. Qazanda nәyin var?” Qadın ona çәpәki
nәzәr salır: “Kiçik güvәcdә sәnin üçün zәhrimar”. Kişi kefini
pozmur: “Zәhrimarı böyük qazanda bişirәydin ki, ikimizә dә
çatsın”. Qadın özündәn çıxıb bağırır: “Zarafatını da yığışdırıb
rәdd ol buradan!”
Tәsadüfәn kişinin әli bardağa ilişdi vә süd sobaya dağıldı.
Bir hay-küy qopdu ki, gәl görәsәn! Qnesya әrinә üçmәrtәbәli
söyüşlәr yağdırdı. Xoşbәxtlikdәn, kişi canını götürüb qaçmağa
macal tapdı. Uşaqlar isә zırıldamağa başladı. Deyirәm: “Cәhәnnәm
olun, balabuşkalarınız başınıza dәysin, Davidimin şorbasını
dağıdarsınız, Allah elәmәmiş, güvәc parça-parça olar!” Qadın
cavab verir: “Güvәcdәki şorbanız cәhәnnәm olsun, mәnim südlü
balabuşkalarım şorbadan vә güvәcdәn daha vacibdir”. Әsәblәrim
coşur: “Sizin bütün sürünüz mәnim Davidimin çeçәlә barmağının
dırnağına da dәymәz”. Bağırır: “Tüpürüm sizin Davidinizә, o,
bir dәnәdir, amma mәnimki görün nә qәdәrdir!” Qnesya kimi
lәçәri analar hәlә doğmayıb! Belә sözlәrә görә gәrәk yaş әsgini
götürüb onun sifәtinә-sifәtinә vurasan!
Söhbәt nәdәn gedirdi? Hә, deyirdim ki, içindә әt olan güvәci
vә süd bardağını sobada yanaşı qoymaq olmaz... Bardaq aşdı,
süd bütün sobaya yayıldı. Allah elәmәmiş, әgәr şorbaya bir dam -
cı süd sıçrasaydı, başıma hava gәlәrdi. Dağılmış süd mәnim
güvәcimin içinә necә tökülә bilәr, hә? Axı güvәci dәrinә
qoymuşdum, böyür-başını da közlә basdırmışdım. Amma nә

149