Page 12 - Sholom_Aleyhem_Макет 1

Şolom Aleyxem

alan var? “İki” veriblәr, vәssalam! Üstәlik, yanına bir “yağlı” çıx
işarәsi dә qoyublar! Get, saçlarını yol!
Hay-küy qalxdı:
– Yenә kәsildi!
– Çox tәәssüf, – deyirәm, – buna görә uşağı öldürәsi deyiliki?
Öyrәşmәk lazımdır...
Arvad әsәbilәşib özündәn çıxır, söyüş yağdırır, beşmәrtәbәli
qarğışlar tökür. Qadınlar bunu yaxşı bacarır. Açığı, bu hәqarәtlәrә
dözmәk olar. Amma uşağa yazığım gәlir. Ona baxanda ürәyim
ağrıyır. Yaşıdları mәktәbli forması geyib gedәcәk, o isә...
– Ay sәfeh, – oğluma deyirәm, – ay ağılsız! Bәyәm hamını
gimnaziyaya götürә bilәrlәr? Kimsә kәnarda qalmalıdır, ya yox?
Bu an arvad üstümә gәlir:
– Mәslәhәt verәn olmusan? Ağıllıya bax! Sәnә deyәn var ki,
uşağa nәsihәt ver? Yaxşısı budur, bilikli müәllim tap! Uşağa rus
dilinin qrammatikasını öyrәtsin!
Yox, siz bir bunun danışığına fikir verin! Demәli, indi var-
yoxumu iki müәllimә yedirtmәliyәm? Dini mәktәbdәki müәllimi
saymasaq, bir müәllim azlıq edir! Amma hәmişәki kimi, bu dәfә
dә arvad deyәn oldu. Dedi, qurtardı! Geriyә yol yoxdur...
Nә isә. Danışmaqla qurtaran deyil. Yeni müәllim tapdıq.
Milliyyәtcә rusdur (yәhudi deyil, Allah göstәrmәsin), әsl rusdur,
çünki birinci sinfә daxil olmaq üçün qrammatik biliklәr çәtindәn
dә çәtindir. Sizә zarafat gәlmәsin! Görün necә sәslәnir: qram-
ma-ti-ka! “R”, yoxsa “L”? Bu rus müәllim başımıza olmazın
oyunlar gәtirirdi. Hәtta demәyә dә xәcalәt çәkirәm! Bizi yıxıb
sürüyürdü, sözün әsl mәnasında, lağa qoyurdu. Mәsәlәn, uşağa
qrammatika dәrsi keçәndә elә bil “sarımsaq” sözündәn başqa
heç nә bilmirdi: “sarımsaq”, “sarımsağa”, “sarımsağı”, “sarımsaqlı”...
Lәnәtә gәlsin onu! Hirs vurmuşdu tәpәmә. Arvadımın gözündәn
iraq, az qala, müәllimin yaxasından tutub sevimli qrammatikası
ilә birlikdә küçәyә atacaqdım. Amma arvadımın dünya vecinә
deyildi: tәki uşaq “sarımsaq”da “r” hәrfini “l” hәrfi ilә sәhv
salmasın! Tәsәvvür edin, bütün qışı uşağa olmazın әzablar verdik
ki, nәdir-nәdir, yazda imtahana getmәlidir.

12