Page 118 - Sholom_Aleyhem_Макет 1

Şolom Aleyxem

düşündüm: qardaşımla niyә boğuşmalıyam? Yüz otuz altı milyon
adam bizim xoşbәxtliyimizә hәsәd aparır, niyә doğma qardaşımla
yola getmәyim? Bu barәdә düşünmәk istәmirәm!
Әvvәlcә, bileti geri almaq lazımdır. Mәncә, bu, çox vacibdir!
Düz demirәm? Siz necә bilirsiniz? İndi gәl bu kobudla dil tap,
vәziyyәti ona başa sal! Qardaşımdan danışıram, qoy Allah
günahımdan keçsin!.. Qardaşımı narahat edәn nәdir? Bunu mәnә
әvvәlcәdәn söylәmәli idi. Әgәr desәydi ki, bu, başqa biletlәr
kimi heç dә adi bilet deyil vә medalın görünmәyәn tәrәfindә bir
müәmma dolaşır, işimi möhkәm tutardım!..
Xülasә, bilet varlı adamın әlinә keçdi, müstәntiq bankdakı
biletә hәbs qoydu, hәr birimizi ayrı-ayrılıqda istintaqa çağırıb
әhvalatı nöqtә-vergülünә qәdәr danışmağı tәlәb etdi. Yalnız
bundan sonra qardaşım müәmmanın mahiyyәtini mәnә anlatdı...
Bu, boğazda ilişib qalmış balıq tıxına bәnzәyir... Müstәntiq
soruşur ki, bilet әlimә necә keçib? Birnbaumun mәsәlә ilә nә
әlaqәsi? Varlı adamla bilet arasında hansı bağlılıq var? Tәsәvvür
edirsiniz, zәhlәtökәn suallara bir-bir cavab vermәlisәn! Heç
bilmirәm, bu müstәntiq hardan çıxdı? Hәr şeyi nöqtә-vergülünә
qәdәr bilmәk onun nәyinә lazımdır? Bax mәsәlә dә burasındadır
ki, müәmmalı әhvalat bu nöqtәdәn başlayır, yәni “tıx” da elә
burda ilişib qalıb, çıxarmasan, boğulub ölә bilәrsәn!.. Bu “tıx”
necә yaranıb? Bir rahibin ucbatından. Başa düşürsünüz, ya yox?
Qardaşımın yaşadığı yerdә bir rahib var vә onlar uzun illәrdir öz
aralarında alver edirlәr. Yәni qardaşım rahibdәn borc pul alır,
ona mal satır, bir sözlә, sıx dostluq әlaqәlәri var. Başa düşürsünüz,
ya yox?..
Әhvalatı rahib danışıb, dediyinә görә, bir kәlmә dә şişirtmәyib.
Mәsәlә belә olub: Günlәrin birindә qardaşım rahibin yanına gәlir
vә deyir:
– Müqәddәs ata, mәnә bir az pul lazımdır, tez qaytaracağam,
iki yüz, üç yüz bәs edәr, yarmarkadan mal almalıyam!
Rahib cavab verir:

118