Page 116 - Sholom_Aleyhem_Макет 1

Şolom Aleyxem

nә qәdәr istәyirsiniz? Gәlin qalmaqal yaradıb özümüzü camaata
güldürmәyәk!
– Yox, qoy adamlar qәrar versin! – bildirir. – Onlar deyәn
olacaq!..
Görürәm ki, bu tәrsi yola gәtirmәk mümkün deyil, qapını
açıb mәnimlә gәlәn adama, yәni şahidә deyirәm:
– Zaydl, sәn işindә ol!
Zaydl tәnbәllik elәmәyib bütün şәhәri bir-birinә qatdı, hamıya
dedi ki, Yankev-İosl yetmiş beş min udub, bilet dә Birnbaumdadır,
o isә bileti qaytarmır!.. Başa düşürsünüz, ya yox? Simsiz teleqraf
belәdir dә! Yarım saat keçmәmiş Birnbaumun evinin qarşısı
adamla doldu, küçәdә qәlәbәlik yarandı, hay-küy, şüarlar sәslәnirdi:
“Bilet...”, “Yankev-İosl...”, “Birnbaum...”, “Yetmiş beş min...”
Adamlar tәrәfimi saxlayır, hәtta bәzilәri yumruğunu havada
oynadıb әdalәt tәlәb edirdi, digәrlәri Birnbaumun ağız-burnunu
әzişdirmәklә, evini darmadağın etmәklә hәdәlәyirdi. Nәhayәt,
qәrara alındı ki, şәhәrin әn varlı adamına müraciәt edәk. Bu şәxs
hakim kimi nә qәrar versә, elә dә hәrәkәt edәk. Kütlә varlı
adamın malikanәsinә yollandı.
Mәlumat üçün bildirmәk istәyirәm ki, hәmin şәxs çox sakit,
alicәnab adamdır vә ümumiyyәtlә, cәncәl işlәrlә arası yoxdur.
İndi tәsәvvür edin ki, kütlә onun malikanәsinin qarşısında bir
ağızdan “kömәk edin!” bağırır. Varlı şәxs qorxdu ki, adamlar ev-
eşiyini dağıdar, ona görә dә әlacsız qalıb mәsәlәyә qarışdı.
Söhbәt zamanı bildirdik ki, ona hәdsiz dәrәcәdә inanırıq. Zavallı
Birnbaum mәcbur olub bileti onun adına keçirdi vә qәrara alındı
ki, sabah, ya da birisi gün, Allahın kömәyi ilә, hamı şәhәrә, bileti
bankdan götürmәyә gedәcәk. Bundan sonra varlı şәxs hansı
mәblәği desә, mәn dә onu Birnbauma ödәyәcәyәm. Başa
düşürsünüz, ya yox?
Yәqin, fikirlәşirsiniz ki, әhvalat bununla bitdi? Ay-hay! Necә
deyәrlәr, sәn saydığını say, gör fәlәk nә sayır... Mәsәlә burasındadır
ki, mәnim bu biletә şәrikim var. Harda görünüb ki, bir bilet elә
bir adama da mәxsus olsun, hә? Bәs şәrikim kimdir? Doğma

116