Page 110 - Sholom_Aleyhem_Макет 1

Şolom Aleyxem

xәbәri yoxdursa, hәr şey yaxşı olacaq. Bәs birdәn qәzetdәki tirajı
görübsә vә biletin yetmiş beş min udduğunu bilirsә, onda necә?
Mәsәlәn, desә ki: “Әvvәla, biletinizi çoxdan qaytarmışam. İkincisi,
qәzetdәki nömrә ilә sizin biletin nömrәsi uyğun gәlmir. Üçüncüsü,
siz mәnә heç bir bilet vermәmisiniz!” – vәziyyәt necә olacaq?
Başa düşürsünüz, ya yox? Ümid Allahadır, güman edәk ki, Birn-
baumun uduşdan xәbәri yoxdur!
– Yankev-İosl, unutma, bu, heç dә xırda mәsәlә deyil – sәn
yetmiş beş min rubl almağa gedirsәn! Kimsә bu işdәn xәbәr
tutmamalıdır, yetmiş beş mini alanda üzünün bir әzәlәsi dә
tәrpәnmәmәlidir! Nә baş versә dә, unutma ki, yetmiş beş min
rubl nә qәdәr şirin olsa da, hәyat ondan yetmiş beş min dәfә
qiymәtlidir!
Arvadım belә deyir, Allah ona cansağlığı versin, әlimdәn
tutub yalvarır: söz ver ki, özünü sakit aparacaqsan... Sakit
aparacağam! Başa düşürsünüz? Ürәk hәyәcanla çırpınanda, fikirlәr
qarışanda, bәzi hәrәkәtlәrә görә özünü bağışlaya bilmәyәndә
necә sakit qalmaq olar? “Ay sәfeh, ay ağılsız Yankev-İosl, necә
olur ki, yetmiş beş min rubl udmuş bileti yoldan ötәn yad bir
adama – Birnbauma verәsәn, üstәlik, qәbz dә almayasan? Bir
parça kağıza imza da atdırmayasan?” Başa düşürsünüz, ya yox?
Bağışlayın, sizdә qәbz olmaz?.. Tfu! Papiros demәk istәyirdim...
Qısa vә konkret, harda qalmışdıq? Hә, Birnbaumda! Demәli,
düşünürәm: “Әgәr Birnbaum, hәqiqәtәn, qәzetә baxıbsa vә mәnim
kimi, bәlkә dә, hamıdan әvvәl yetmiş beş mindәn xәbәr tutubsa,
vәziyyәt necә olacaq?” Tәsәvvürümdә Birnbaumla görüşü
canlandırıram: “Pan Birnbaum, xoş gördük!” “Salam. Xoş gününüz
olsun!..” “Pan, biletә görә gәlmişәm”. “Hansı bilet?” “İki min iki
yüz sәksәn doqquz seriyalı, on iki nömrәli bilet, girov qoyduğumu
deyirәm...” Birnbaum gözlәrini bәrәldib anlaqsız baxışlarla mәni
süzür... Ağlımdan tәxminәn belә fikirlәr keçir, ürәyim sıxılır,
boğazım quruyur... Nәfәsim çatmır!..
Nәhayәt, canımı dişimә tutub Birnbaumun yanına gәlirәm.
Hardadır? Yuxu bişirir... Yatıb? Demәli, hәlә heç nәdәn xәbәri

110