Page 106 - Sholom_Aleyhem_Макет 1

Şolom Aleyxem

“Tәsadüfә bax! Bu gün mayın biridir! Biletlәr oynanılacaq! Kim
bilir, birdәn olmadı elә, oldu belә! Bәlkә, bәxtim gәtirdi? Axı hәr
şey Allahın әlindәdir! Әgәr istәsә, mәni, ailәmi xoşbәxt edәr!..”
Şirin xәyallarım yarımçıq qaldı, oğurlanmış kisәlәr yadıma düşdü,
bu gün mayın biri olduğunu, tirajın keçirildiyini unutdum vә
yenidәn kisәlәrin axtarışına girişdim... Birtәhәr oğruların izinә
düşә bildim. Bütün günü, hәtta gecәdәn-sәhәrәdәk, yәni mayın
ikisinәdәk yalnız axtarışla mәşğul oldum. Başımı itirmişdim,
boğazımdan bir qurtum su da keçmirdi. Günortadır, mәnim isә
iki gündür dilimә çörәk dәymir, az qalır, ürәyim yerindәn çıxsın.
Vәziyyәtimi başa düşürsünüz dә?.. Evә gәlirәm, arvad qırğı kimi
üstümә şığıyır:
– Bәlkә, әl-üzünü yuyub, ağzına bir tikә çörәk qoyasan? Әşi,
әl çәk bu kisәlәrdәn! Boğaza yığılmışam! Cәhәnnәm olsun!
Bәsdir özünü üzdün! Hәyatımız bu kisәlәrdәn asılı deyil ki!
Özünә iş tapmısan da! Kisә, kisә! Sәhәr kisә, gecә kisә! Bezdim!
– Arvad, bilirsәn nә var? – deyirәm. – Bәlkә, bu kisә söhbәtini
bitirәsәn? Sәnin danlağından başım şişib! Yarama duz sәpib
dәrdimi tәzәlәmә! Kisә, kisә!..
Başa düşürsünüz, ya yox? Bağışlayın, sizdә kisә olmaz?..
Tfu! Papiros demәk istәyirdim...
Qısa vә konkret, harda qalmışdıq? Hә, kisәlәrdә! Nә isә, bu
zәhrimara qalmış kisәlәr yoxa çıxdı. Çarәm nәdir? Ürәyim qübar
bağlayıb. Әllәrimi yuyub, süfrә arxasına keçirәm. Oğul istәyirәm
süfrәyә düzülәn nemәtlәrdәn dadsın! Boğazımdan su da keçmir!
– Yenә nә var, Yankev-İosl? – arvadım soruşur. – Qabağından
qara pişik keçib?
– Heç bilmirәm, nәsә halım pisdir, – masa arxasından qalxıb
divana uzandım. Elә yenicә yerimi rahatlamışdım ki, poçtdan
tәzә qәzetlәri gәtirdilәr. Ay sәfeh, ay ağılsız Yankev-İosl, bir
qәzeti әlinә alıb bax da! Bu gün mayın ikisidir, bәlkә, biletin
udub? Yox... Kimә deyirsәn? Ağlım çaşıb axı...
Anlaya bilmirәm ki, ayın neçәsidir. Mayın ikisi, yoxsa iyunun
iyirmi ikisi, ya da fevralın otuz biri! Başa düşürsünüz, ya yox?
Qәzeti açıb birinci sәhifәdәn oxumağa başlayıram. Yәni uzanıb

106