Page 108 - Sholom_Aleyhem_Макет 1

Şolom Aleyxem

– Ciddi sözündür, Yankev-İosl, yoxsa mәni әlә salırsan?
– Necә yәni, – deyirәm, – әlә salırsan? Ciddi sözümdür. Bizә
tәbrik düşür, pul udmuşuq!
– Nә qәdәr udmuşuq? – arvadım soruşur vә gözlәrimin içinә
baxıb sanki demәk istәyir: “Әgәr yalan çıxsa, canını alacağam!”
– Sәncә, nә qәdәr udmuşuq?
– Bilmirәm, – arvad deyir. – Yәqin, bir neçә yüz rubl, hә?
– Bir neçә min rubl istәmirsәn?
– Bir neçә min, yәni nә qәdәr? Beş? Yoxsa altı? Bәlkә, yed-
di?
– Ağlından daha böyük mәblәğ keçmir?
– On min? – arvadım soruşur.
– Bir az da çox!
– On beş?
– Üstünә gәl!
– İyirmi, iyirmi beş?
– Azdır, yenә artır!
– Yankev-İosl, – arvadım deyir, – söylә, ürәyimi üzmә!
– Sipoyra! – әlini sıxıram. – Bir qucaq pul udmuşuq!
Başımızdan var-dövlәt tökülüb! Bu qәdәr pulu heç yuxunda da
görmәmisәn!
– Tez ol, de görüm, nә qәdәr udmuşuq, indi ürәyim partlaya-
caq!
– Nә qәdәr? – deyirәm, – nә cibimizә, nә dә qucağımıza
yerlәşәr, düz yetmiş beş min rubl!
– Şükür, ilahi! Var ol, Allahım! – arvadım dua edә-edә otaqda
vurnuxmağa başlayır. – Sәnә baş әyib sәcdә qılıram, ilahi! İsti
nәfәsini bizdәn әsirgәmәdiyin üçün minnәtdaram! Ailәmizә böyük
xoşbәxtlik bәxş etdiyin üçün ayaqlarına düşürәm, Allahım!
Ömrüm boyu sәnә dua edәcәyәm! Yankev-İosl, yaxşı-yaxşı
baxmısan, sәhv etmirsәn ki? Allahım, sәn hamıdan ucasan,
rәhmdilsәn, çox sağ ol ki, bizi darda qoymadın! İlahi, xoşbәxtliyә
bax, qoy dostlar sevinsin, düşmәnlәrin gözü çıxsın! Bu pul lap
göydәndüşmә oldu! İlahi, bizi bәdnәzәrdәn qoru! Yankev-İosl,
nә qәdәr dedin? Yetmiş beş min rubl?

108