Page 74 - Sela

İLO XOSE SELA

ölü kimi yuxuya getdim, ancaq uzananda fikirlәşirdim,
kәklik kimi bir gözümlә yatıb, o birisiylә keşik çәkәcәyәm.
Az qala, sәhәrә qәdәr bәrk yatdım, ancaq oyananda
sümüklәrim soyuqdan, rütubәtdәn elә sızıldayırdı, vağzaldan
dәrhal çıxdım. Küçәdә tonqalın başına yığışmış bir dәstә
fәhlәyә yaxınlaşdım; mәni dostcasına qarşıladılar, tonqalın
yanında canımı qızdıra bildim. Əvvәl-әvvәl söhbәt alınmırdı,
sonra sözümüz tutdu, onlar pis adama oxşamırdı vә
Madriddә dostum olmadığından, böyrümüzdәki avaranın
birini çaxır dalınca yolladım; o çaxırdan nә mәnә, nә
yanımdakılara bir damcı da qismәt olmadı – cavan oğlan
zirәk çıxdı, pulu götürüb ilim-ayaq itdi. Uşağın bu hoqqasına
gülsәlәr dә, qonaqlıq fikrindәn daşınmamışdım, çünki
onlarla dost olmaq mәnim xeyrimәydi. Sәhәrin açılmasını
gözlәyib hamısını qәhvәxanaya apardım, südlü qәhvә
sifariş elәdim; buna görә mәnә minnәtdar oldular, rәğbәtlәrini
qazandım. Arada mәnzildәn söhbәt saldım, Anxel Esteves
adlı biri vur-tut on reala gündә iki dәfә yemәklә evindә
mәnә sığınacaq vermәyә razı oldu. Əvvәl-әvvәl bu mәnә
çox da baha görünmәdi, ancaq Madriddә yaşadığım
müddәtdә, әlavә on real da itirirdim, çünki aludә olduqları
kart oyununda arvadıyla birgә axşamlar mәni udurdular.

Madriddә lәngimәdim, iki hәftәdәn az qaldım, az pul
xәrclәmәyә çalışaraq bütün vaxtımı әylәncәlәrә vә Poçt
küçәsindә, Böyük meydanda özüm üçün münasib qiymәtә
xırda-xuruş almağa sәrf elәdim. Axşam gün batanda peseta
xәrclәmәyә Gömrük küçәsindәki kafe-şantana gedirdim,
şam yemәyinә qәdәr orda oturub “Cәnnәt konsert”inin
aktyorlarına baxırdım; sonra durub Estevasın Telka
küçәsindәki çardağına yollanırdım. Mәn gәlәndә o, adәtәn,
evdә olurdu. Arvadı tәrәvәzli әt qızartması gәtirirdi.
Yeyirdik, sonra hәr axşam çardağa tәşrif buyuran iki
qonşunun iştirakıyla kürә qoyulmuş stolun arxasında

74