Page 406 - Sela

İLO XOSE SELA

Hamı sakitcә dincәlәndә böyük oğlan birdәn sıçrayıb
qışqırdı:

– Ay!
O demәk istәyirdi:
– Baxın, qazlı su satan!
Ancaq bunun әvәzinә yalnız “ay” dedi. Üstündә
oturduqları daş qatranlı idi; uşağın paltarı bulaşmışdı.
Donna Adeladan başqa, hamı ayağa qalxdı; üst-başları
qatrana batmışdı.
Donna Enkarnasyon әrinә çәmkirdi:
– Sözüm yoxdu, yaman da yer seçmisәn! Hamısı da sizi
irәli buraxdığıma görәdi!
Ailә başçısı onu sakitlәşdirmәyә çalışdı.
– Rahat ol, arvad, kimyәvi tәmizlәmәyә verәrik.
– Kimyәvi tәmizlәmәyә bax! Bunu heç bir kimyәvi tә-
mizlәmә aparmaz!
Donna Adela oturduğu yerdә dillәndi ki, qızı doğru
deyir, heç bir tәmizlәmә bunu aparmaz, buradan pis yer
seçmәk olmazdı.
– Şam ağacının altı özgә nә cür olasıydı ki? Aydın
mәsәlәdi ki, qatran olacaqdı!
Bu vaxt sәrinlәşdirici sular satan yaxınlaşdı.
– Su, qazlı su! Senyora, – donna Adelaya müraciәt elәdi, –
hamınızın üst-başı qatrana batıb.
Ailә başçısı günahını yumaq üçün satıcıdan soruşdu:
– Suların soyuqdu?
– Əlbәttә!
– Yaxşı, dörd şüşә ver.
Su bulyon kimi isti idi, diş mәcunu dadını verirdi.
Allaha şükür ki, şәnliyә, necә deyәrlәr, әl uzatsan çatardı.

406