Page 402 - Sela

İLO XOSE SELA

dedi, әgәr boş-bekar otursalar soyuq dәyәcәk. Ata tәklif
etdi ki, hamılıqla bağın arxasındakı tәpәlikdә gәzsinlәr,
ancaq ana dedi ki, belә şeyi axmağın axmağı düşünüb tapa
bilәr, uşaqlar dincәlmәlidilәr, yoxsa gündüz qüvvәlәri
qalmayacaq. Mәğlub olan ailә başçısı gizlicә bir az
mürgülәmәk ümidiylә yataq otağına qalxdı, ancaq yatağın
artıq yığıldığı mәlum oldu. Övladları saat ona qәdәr
başlarını qatmağa yer tapmadılar, qonşu evin uşaqları
oyananda gün az-çox başqa günlәrә oxşadı.

Saat onda, ya bir az gec ailә başçısı da dünәnki axşam
qәzetini vә buğa döyüşlәrinә hәsr olunan jurnalı aldı;
oxumağı elә bölüşdürdü ki, günortaya qәdәr başını qata
bildi. Uşaqlar özlәrini pis aparıb, toza-torpağa bәlәndilәr.
Tәkcә mavi don geyinmiş, saçına tünd-qırmızı iri bant
bağlamış Enkarnita özünü nümunәvi aparırdı, intәhası,
yazığın bәxti gәtirmәdi: arı yanağını sancdı, donna Adela
çığırtı eşidib hirslәndi, qızı dәymәdüşәr adlandırıb
şapalaqladı, şapalaqların da ikisi kifayәt qәdәr tutarlı oldu.
Donna Adela mәsәlәdәn hali olanda peşmanlayıb nәvәsini
әzizlәdi, arı sancan yerә mis pul qoydu.

– Ən yaxşı yolu budur. Hәr şeyin tezcә keçib gedәcәyini
özün görәcәksәn.

Qız buna inanmasa da, özünü razılaşan kimi göstәrdi.
Çünki bilirdi ki, nәnәsinә söz qaytarmasa yaxşıdı.

Bu vaxt ana donna Enkarna döyüşün qızğın çağındakı
general kimi qulluqçulara әmrlәr verirdi. Ailә başçısı torrero
Pakito Munyosun iştirak etdiyi korridadan reportaj oxu-
yurdu. Əgәr jurnalistә inansaq, oğlan üzüqara olmamışdı...

Vaxt isә, yavaş-yavaş olsa da, öz axarı gedib nahara
yetişdi. Nahar bir az gecikmişdi, çünki mәlum mәsәlәdi,
tez oyananda hamı bir-birinә ümidli olur, onda da xiyar
әyri bitir.

Saat üçdә, ya dördә iyirmi beş dәqiqә işlәmiş hamı
süfrә arxasında oturdu. Süfrәyә әvvәlcә avstriya sayağı

402