Page 399 - Sela

Karabinerin cinayəti

– Kim idi?
Ona heç kim cavab vermәdi. Kişilәr baxışdılar, bu da
kifayәt idi. Caga na tenda irәli baxırdı, böyük kәşflәr
dövründә dәnizçilәr, yәqin ki, belә baxırdılar; ürәyinin
dәrinliyindә o, konkistador idi.
Madureyra әlindә çәkic tutmuşdu, Serafin dәhlizdәn
çәtir götürdü.
Donna Diqna yenә soruşdu:
– O, kim idi?
Caga na tenda qonaq otağına girib, sanki uzun, çox
uzun nitq söylәdi.
– Mәnәm, senyora, tәrpәnmәyin, sizә heç nә elәmәyә-
cәyәm. Qışqırmayın. Mәnә yalnız pul lazımdı...
Donna Diqna vә donna Perfekta fәryad qopardılar.
Madureyra çәkiclә donna Diqnanın başından vurdu vә
qarı döşәmәyә sәrilәndә vurmaqda davam elәdi. Qatilin
qızıl dişlәri mәşum tәbәssümlә parıldayırdı; köynәyinә
qan fışqırmışdı...
Serafin donna Perfektanı öldürdü – daha çox utan-
dığından öldürdü. Çәtirlә başına-başına vururdu, iti ucunu
isә qarnına soxurdu... Əmәlli-başlı vәhşilәşib başını itirmişdi:
ona elә gәlirdi, qarı hәlә dә ölmәyib. Zavallı heç cınqırını
da çıxarmağa macal tapmamışdı...
Onlar düşündüklәrindәn az pul götürüb aradan çıxdılar.

***
Serafini dağda başı partlamış halda tapdılar, Caga na
tenda izsiz-soraqsız yoxa çıxmışdı.
Bu ikili qәtlin şәhәrdә doğurduğu hәyәcanı tәsvir
elәmәk mümkün deyil.

399