Page 330 - Sela

İLO XOSE SELA

– Nә olub ki?
– Elә-belә deyirәm.
Kasandulfların Raymundosu yavaşdan “Üzü günәşә”
vә “Mәnim atım”ı da zümzümә elәyir; sözlәrini bilmәdiyinә
görә “Oriamendi”ni fitlә çalır, “Pieqo Himni”ni dә hәmçinin,
ancaq bunda gәrәk ehtiyatlı olsun, çünki kimәsә toxuna
bilәr. Kasandulfların Raymundosu senyorita Ramona üçün
ağ kameliya gәtirmәyi unutmur, aydındı ki, kәdәr hafizәsini
korlamayıb.
Doqquz qardaş Qamusonun atası Tripeyro Baldomero
Marvis Kasares hәmişә deyәrdi ki, udan üçün uduzan qә-
dәr çәtindi; hәyatda ayağını yerә bәrk bas, ancaq doğmalarını
hәddindәn artıq narahat elәmә, xüsusilә dә onun xәtrinә
dәymә, nәticәsi pis ola bilәr, bәzәn xәncәrlәr sıyrılır, heç
dә hamının yarası tez sağalmır; Nunçinya Sabadelye dünyanı
görmәk istәyirdi, ancaq Burqusdan o yana keçә bilmәdi;
tale verәnin hamısını udmaq istәyirsәn, sonra görürsәn,
yox, çörәk qırıntısını da yeyә bilmirsәn, ondan da mәhrum
olmamaq üçün taleyinlә barışmalı olursan; Tippereri
qraflığının qurbağasının Antela gölünün qurbağasına hәsәd
aparmağına dәymәz.
Tarix yüyәnsiz at kimi, dovşanı qovan tazı kimi, qırxayaq
kimi qaçır, tәqvimin ağ, sarı sәhifәlәri әncirin yaşıl, qızılı
yarpaqları kimi tökülür, axırda onların biri dә qalmır,
insanlar inәyi vә buğanı Allah yaratdığı vaxtdan olduğu
kimi yox, inәyi qışda vә buğasız mayalamağın üsulunu
tapıblar; tarix zamanı qabaqlayır, hәrdәn hadisәlәr tarixin
günahı ucbatından öz zamanından qopub düşür, misal
üçün, niyә Hannibalın fillәri Nuhun gәmisindә olmayıb?
– Heç nәyә әlim qızmır, raketin gurultusunu eşitmәk
istәyirәm, eşitmәyincә heç nә elәyә bilmirәm, özümü yaxşı
hiss elәmirәm, mәnә konyak verәrsәn?
– Hә.
Xesus vә Emiliya xala hәmişә ağlayırdılar, ömürlәrinin
yarısını ağlamaqla keçirmişdilәr, bu, Kleto dayının vecinә

330