Page 85 - Design_Gurcu_Antologiyasi_Layout 1

Tamaz ×iladze

içәrisindә şam yanırdı, yanında isә Şotanın, Akakinin vә
1
İlyanın şәkillәri olan köhnә tәqvim asılmışdı.
Uça yaşıl, böyrü әzilmiş çaydanı götürüb çölә çıxdı.
– Tapdın? – keşiş soruşdu.
– Hә, budur. – Uça çaydanı yuxarı qaldırdı.
– Qәribәdir, – keşiş eynәyini taxıb çaydana baxdı. – Nә -
yim vardı, hamısı itdi, yox oldu. Yox, demirәm ki kimsә
oğurlayır, xeyr, hәr şey öz-özünә yox olur. Mәndәn qaçırlar,
yәqin, hamının mәndәn zәhlәsi gedir.
Uça suyu gәtirdi. Qoca çaydanı alıb qapağını götürdü, su
ilә doldurub qum kimi xırdaca qurtumlarla, dincәlә-dincәlә
içdi, sonra ikiәlli çaydanı qucaqlayıb bağrına basdı.
– Ay sağ ol, – deyib gözünü yumdu. – Tanrı kömәyin ol -
sun!
Belәcә, gözüyumulu xeyli oturdu.
Yerә enәn tәyyarә Tsiranın yaxınlığında dayandı. Uça
arvadının necә geri çәkildiyini gördü. Sonra Tsiranın gülüşünü
eşitdi. Bәlkә dә, eşitmәdi, sadәcә ona elә gәldi. Adamlar qaça-
qaça tәyyarәyә yaxınlaşdı. Tәyyarәçi kabinәdәn zorla çıxdı.
Adamlar әl-qolunu oynadır, nәsә deyirdilәr. Amma Uça heç
nә eşitmirdi. Tәyyarәçi qayıdıb kabinәyә oturdu, motoru
söndürdü. Qәfildәn hәr tәrәfә sükut çökdü, hamı bir anlığa
yerindә dondu. İndi bu mәnzәrә şәkilә oxşayırdı. Yenidәn hay-
küy düşdü, adamlar tәyyarәçini kabinәdәn çıxardılar vә atıb-
tutmağa başladılar.
Birdәn hamı Tsiraya sarı döndü:
– Tsira! – Kimsә çağırdı.
Tsira yerindәn tәrpәndi, amma nә adamlara, nә dә keşişin 85
evinә tәrәf getdi. O, tәyyarә meydanının kәnarıyla addım -
lamağa başladı.
– Tsira! Tsira! – İndi onu bir neçә adam sәslәyirdi. – Bura,
bizim yanımıza gәl!

1 Böyük gürcü şairləri Şota Rustaveli və Akaki Sereteli nəzərdə tutulur (tərc.)