Page 372 - Design_Gurcu_Antologiyasi_Layout 1

Görcö nÿsri antologiyası

altıyacan işlәmәk” sözlәrinin mәnasını da gözәl bilirәm. Daha
evә dә tәlәsmirәm, yorulmuşam...
Ofisdә әylәşib bu binanın vә özümün iyirmi beş il әvvәl
necә olduğumuzu xatırlamağa çalışıram...
Uşaq bağçasında Yolka bayramı keçirirlәr, mәn ayı
görkәmindә – şabalıdı xәz vә maskadayam, şeiri öz-özümә
tәkrarlayır, hәyәcanlanıram. Bağçanın akt zalı (indi onun
yerindә Olimpdir) ağzınacan doludu, uşaqlar, valideynlәr,
dәvәt olunmuş qonaqlar, mәşhur aktyorlar Otar Koberidze vә
Lia Eliava buradadı. Onları hörmәtli yerdә әylәşdirirlәr, bağçanın
müdirәsi yanlarında oturub nә barәdәsә danışır. Qo naqlar arabir
gülümsünüb başlarını tәrpәdirlәr.
Bayram başlayır. Әvvәlcә Şaxta Baba, sonra Meşә Şahza -
dәsi, ardınca şir, pәlәng çıxış elәyir... budur, mәnim dә növbәm
çatdı: “Әyripәncә Mişka çox sevir balı...” – burada çaşıb әtrafa
boylanır, sonra yenә xәfif sәslә hәmin misranı deyirәm, amma
ardını heç cür yadıma sala bilmirәm. Lap çaşıram vә ağlamağa
başlayıram – әvvәlcә astadan, sonra hönkürtüylә... Mәni
әvvәlcә Lia Eliava, sonra anam sakitlәşdirmәyә cәhd göstәrir,
az sonra hamı başıma yığışır.
Bu epizodun hәyatımda әhәmiyyәtli rolu var, amma bu,
gә lәcәk mövzu üçün nә qәdәr yararlı ola bilәr? Arxaya söy -
kәnib bu qәrara gәlirәm ki, yaramaz.
Qapı açılır, Sofo otağa girir, arxasınca da Vaxo. Sofo yerin -
dә әylәşir, Vaxo yenә mәnә üçüncü mәrtәbәdәkilәrin istәyinә
uyğun göstәrişlәr verir.

10
Yataq otağımın pәncәrәsindәn müqәddәs Georgi kilsәsi
372 görünür. İndi gecәdir, kilsә qızılı rәngә boyanıb. Bir vaxtlar
hәr bazar günü ora gedir, çәrşәnbә vә cümә günlәri pәhriz
saxlayırdım. Get-gedә dindәn uzaqlaşdım, bu o demәk deyil
ki, ateist oldum, sadәcә inamım vә onunla bağlı dini
qanunların icra qaydaları ruhi yox, mexaniki, elә bil daha çox
nümayişkaranә oldu. Başqa duyğularla yaşamağa başladım,
amma o duyğuların әvvәlkilәrdәn daha yaxşı olduğunu
düşünmürәm. Yәqin ki, bir müddәt keçәcәk, atam ölәndә
olduğu kimi, yenә kilsәyә gedәcәyәm...